Татарстанда шимбә көнне 34 градуслы эсселек аркасында шторм турында кисәтү игълан иттеләр

Иртәгә урыны белән һава плюс 34 градуска кадәр җылыначак. Бу хакта Россия гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Шушы көннәрдә татарстанлыларны 29 майдан 2 июньгә кадәр урманнарда янгын куркынычы зур булуы турында кисәттеләр. Янгын куркынычы IV класс (соңгы дәрәҗәдән алдагы дәрәҗә) бирелде. Соңгы тапкыр урманнарда янгын куркынычы югары булу сәбәпле шторм кисәтүен 22 апрельдә керткәннәр.

ТР Гидрометүзәге алдагы ял көннәрендә Татарстанда 33 градуслы эсселек урнашыр дип фаразлый, әмма киләсе атна башында һава торышы үзгәрә башлаячак, салкынайтачак.
Россия Гидрометүзәгенең фәнни җитәкчесе Роман Вильфанд фаразлары буенча, 2025 ел тарихта иң эссе өчлеккә яки бишлеккә керергә мөмкин. Әлегә иң эссе 2024 ел санала. Шул ук вакытта «Фобос» һава торышы үзәге белгече Евгений Тишковец Рус тигезлегендә җәй нормадан нибары 1-2 градуска җылырак булачак, дип билгеләп үтте.