Шәһри Казан

Рамил Төхфәтуллин Камал театрына кайтты: «Әлеге вакыйганы гаиләмә, туган нигеземә кайту дип кабул иттем»

Бүген Татарстанның халык артисты, Габдулла Тукай исемендәге Дәүләт премиясе лауреаты Рамил Төхфәтуллин Галиәсгар Камал исемендәге татар дәүләт академия театры белән рәсми рәвештә килешү төзеде. «Шәһри Казан» газетасы да Рамил әфәндене тормышындагы әлеге үзгәрешләр белән чын күңелдән котлап, аның белән элемтәгә чыкты.


- Еллык килешү сентябрьдә төзелсә дә, Галиәсгар Камал театрындагы рәсми эш көнем кичәдән башланды.

- Рамил әфәнде, Сезне чын күңелдән котлыйбыз, без бик шат. Үзегез нинди хисләр кичерәсез?
- Моны бер генә сүз белән аңлатып була - бәхетне тою хисе. Камал театры - аерым бер дәүләт ул. Күпме гомер ителгән, никадәр көч салынган. Шуңа күрә әлеге вакыйганы гаиләмә, туган нигеземә кайту дип кабул иттем. Бу минем өчен зур вакыйга. "Болай йөреп булмый, сәхнәгә кайтырга кирәк", - дигән уй күңелгә бер дә тынлыгык бирмәде. Күңел сәхнәгә тартылды. Чынлап та, шушы еллар аралыгында сөйләшкән һәр кешедән диярлек: "Нигә? Кайчан?" - кебек сорауларга җавап бирергә туры килде. Инде болар туйдыра да башлады. Ихластан кайту теләге күптән туган иде. Төрле сәбәпләр аркасында әлеге теләгем тормышка гына аша алмады. Хәзер менә, Аллага шөкер, уртак фикергә килдек. Фәрит Рәфкатовичка чын күңелдән бик зур рәхмәт әйтәсем килә. Бернинди дә каршы килү булмады, мине аңлап кабул итте. Театрга да файдам тияр, дип уйлыйм. Труппа яңарып торса да, умыртка баганасы барыбер ул даими бара. Үзебезнең абый-апалар янына кайту, алар белән янәшә булу, яшьтәшләр белән бергә эшләү - җан теләгән халәт. Сәхнәне бик сагындым, әлбәттә.

- Сөйләшүләр күптәннән бардымы?
- Булды инде. Шактыйдан. Әмма Ходайның "Амин!" дигән сәгате менә шушы вакытта сукты. Дөрес, карар күптән түгел кылынган иде. Бүген исә рәсмиләштерелде.

- Эшкә нинди шартларда алындыгыз?
- Вакытлыча түгел, әгәр шушы күз алдында тотугыз булса. Алла теләсә, бөтен барлыгымны шушы театрга багышларга исәплим. Беренче ролем расланды инде. Фәрит Рәфкатович Аяз Гыйләҗевнең "Әтәч менгән читәнгә" әсәренә тотына. Бу зур эш, чөнки мондый прозаны сәхнәләштерергә кирәк. Катлаулы да, кызыклы да булыр дип уйлыйм. Фәрит Рәфкатович авыл лирикасы, авыл мохите, милләткә кагылышлы җитди мәсьәләләр күтәрелгән шушы әсәрдә миңа да роль раслады. Әлегә аның нинди роль буласы сер булып калсын. Шуңа күрә җиң сызганып эшкә тотынам.

- Моңа кадәр Сез Качалов исемендәге Казан Рус зур драма театрында эшләдегез бит.
- Әйе, сәхнәдән бизмәдем. Анда эшләү елларымда эчке дөньямны баеттым. Джозеф Стайнның "Скрипач на крыше" мюзиклында төп рольне башкару, яңа тамашачы белән очрашу, яңа мохиттә эшләү файдага гына булгандыр, миңа калса. Ләкин Камал театрын сагыну хисе минем белән гел янәшә булды. Инде киләчәктә тамашачым белән шушы театрның тамаша залларында күрешергә язсын.

Белешмә өчен. Татарстанның халык артисты Рамил Төхфәтуллин Камал театрында 1987 елдан бирле эшли башлый. Тамашачы мәхәббәтен ул Мирхәйдәр Фәйзинең «Галиябану»ы, Кәрим Тинчуринның «Зәңгәр шәл»е, Туфан Миңнуллинның «Гөргөри кияүләре», Зөлфәт Хәкимнең «Килә ява, килә ява» белән «Телсез күке» һәм башка бик күп рольләре белән яулап алды. 2007 елда ул Министрлар Кабинетына эшкә алына. 2015 елда Качалов исемендәге Казан Рус зур драма театрында эшли башлый.

Реклама

Фото: business-online.ru

Теги: 250
Нравится
Поделиться:
Реклама
Комментарии (0)
Реклама
  • 17 май 2018 - 11:28
    Өй салуның ние бар? - 2
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
Соңгы комментарийлар
Интервью
  • 21 май 2018 - 17:00
    «Китапханә паркта» проекты старт ала Казанда узачак Футбол буенча дөнья чемпионаты көннәрендә Татарстан Республикасының Милли китапханәсендә узачак чаралар турында журналистларга китапханә директорының фәнни эшләр буенча урынбасары Ирек Һадиев сөйләде.
    49
    0
    0
  • 17 апрель 2018 - 11:15
    Илшат Әминов: «Дөнья йөзендә бер генә татар калса да, без аның өчен эшләячәкбез» «Яңа Гасыр» телерадиокомпаниясе татар журналистикасында өч студентны үз хисабына укытырга җыена. Телеканалда «Әйдә ТНВга» исемле бәйге игълан ителде, бу хакта телерадиокомпаниянең генераль директоры Илшат Әминов журналистлар белән очрашуда сөйләде. Матбугат конференциясендә телгә алынмый калган сорауларга ул эксклюзив әңгәмәдә җавап бирде.
    366
    0
    0
  • 17 апрель 2018 - 10:39
    Раиф Зиннәтуллин: «100% бала татар теленә каршы дип уйларга кирәкми» Казан башкарма комитетының милли мәгариф бүлеге методисты Раиф Зиннәтуллин йөз процент бала татар теленә каршы дип уйларга кирәкми. Балалар, бәлки, ата-аналары басымы астында аны сайламый торгандыр дип исәпли.
    359
    0
    2
  • 17 апрель 2018 - 11:03
    Осиноводан Швейцария ясамакчылар Казанда чүп яндыру заводы 2022 ел ахырында барлыкка килергә тиеш. Ул Казан читендәге Осиново бистәсе янында төзелер дип планлаштырыла. Төзелеш эшләре 28 миллиард сумга төшәр дип көтелә. Завод елына 550 мең тонна чүп яндырачак. Шуның нәтиҗәсендә 55 мегаватт электр энергиясе бүленеп чыга.
    354
    0
    0
Ночной режим