«Язмышым – театр»

Шушы көннәрдә Татарстанның халык, Россиянең атказанган артисты, профессор Наил Дунаевка багышланган «Язмышым - театр» дигән китап дөнья күрде. Анда артистның балачак, яшьлек хатирәләре, режиссерлары турында истәлекләре урын алган. Шулай ук аның сәхнәдәшләре, укучылары, тәнкыйтьчеләр дә актер хакында үзләренең фикерләре белән уртаклаша. Заманында Аяз Гыйләҗев, шагыйрь Зөлфәт, Туфан Миңнуллин, Рабит Батулла, Әхтәм Зарипов кебек күренекле шәхесләрнең Наил Дунаев турында язган мәкаләләре дә укучы өчен кызык булыр.
Китапның төзүчесе - Люция Хәбибуллина.