Алсу Фаракшина хәзер Гыйльманова

Татарның беренче хатын-кыз пародисткасы Алсу Фаракшинаның никах укытуын язган идек. Инде менә Алсу белән Альберт 30 май көнне никахларын законлаштырып та куйганнар.

- Танышларым «Выездная регистрация» ясагыз», - дисәләр дә, аңа каршы килдем. Чын ЗАГСка барасым килде. Чаллының үзәк ЗАГСында никахыбызны теркәдек. Туй бик күңелле узды. Лилия исемле дус кызым күп кенә артистлардан видео-котлаулар алып кайткан иде. Шуны экраннан күрсәтте. Иң истә калган бүләк шул булды. Туебызны идеаль үтте дип саныйм, «ЧП»лар килеп чыкмады. Иртәнге якта гына фотографлар бераз соңга калды, әмма ул бик тиз онытылды, - диде Алсу.