Булат Җиһаншин криминаль фильмда төшкән

- Заһит Мәхмүдинең «Әче балан» әсәре буенча куелган «Җәза» исемле тулы метражлы криминаль драмада төп рольләрнең берсен уйнадым. Башта криминаль икәнен белгәч, җырларымны тыңлаучылар мине аңламас дип курыктым, ә сценарийны укып, тәрбияви һәм гыйбрәтле икәнен аңлагач, ризалык бирдем. Саундтрекны да үзем язып җырладым. Озакламый тамашачы хөкеменә чыгачак. Фильмны «Дружба» кинотеатрында тәкъдир итәчәкләр. Фильмда минем герой тәмәке тарта, кайгыдан эчә дә. Менә шуны камера алдында уйнау иң авыры булды, - ди Булат.