Татар эстрадасы җырчысы Дилә Нигъмәтуллинаның ире Илсур белән никахларын рәсми рәвештә теркәве турында хәбәр иткән идек.
“Илсур белән дүрт ел яшибез инде. Башта икәү генә язылышып кайтмакчы идек, аннары уйлаштык та, бу вакыйганы тантаналы итеп оештырырга булдык. Шактый әзерлек эшләре башкарырга туры килде. Күлмәк сайлау, балдак алу, бизәнү һәм башкалар - бик дулкынландыргыч икән ул. Хәтта Илсур да дулкынланды. ЗАГСта язылыштык та, икебез ике якка үз эшләребез белән киттек. Туганнар “мәҗлес булмыймы әллә?” дип әле дә сорый. Бәлки соңрак барысын да җыеп мәҗлес үткәрербез дип уйлап торам. Шулай итеп, мин “законлы” хатын булдым. Хәзер мин – Дилә Бариева! Әлегә документларны алыштырмадым. Бу эшне киләсе елга калдырдым”, - дип сөйләде безгә Дилә.
Бариевларны чын күңелдән котлыйбыз, гаилә бәхете телибез!
Иң мөһим һәм кызыклы язмаларны Татмедиа Telegram-каналында укыгыз
