Рамил Хәйретдинов: "Сөннәткә утырган көнне үк Салават концертына бардым"

“Кичә Салаватның 34нче сезон концертын карап кайттык. Мин үзем 28 ел рәттән ел да барам. Әти-әниләрем 3 яшемдә сөннәткә утырткан көнне үк мине алып бардылар. Андый вакытта өйдә генә утырырга кирәк икәнен белмәгән булганнар, ахрысы. Бәлки махсус Салават абыйны тыңласам, тизрәк аякка басырмын дип уйлаганнардыр. 

Программа нинди генә булса да, Салават абыйның тере тавышка моңлы итеп җырлавын карарга барам мин! Быелгы концертта яңа җырлары матур, дәртле дә, мәгънәле дә. Һәрвакыттагыча элеккеге җырлары тамашаны тагын да бизәп җибәрә. Яшәсен Салават, яшәсен Татар моңы”, - дип язган Рамил Хәйретдинов.