Ришат Фазлыйәхмәтов җиһаз ясап сату белән шөгыльләнә?

Бер-ике атна элек җырчы Ришат Фазлыйәхмәтов социаль челтәрдәге битенә «Өй һәм офис җиһазларына заказлар кабул итәбез. Сезнең үрнәк һәм үлчәмнәр буенча. Һәр клиентка шәхси якын килү. Үлчәү, китереп бирү бушлай!» дип язып элде. Хәзер ул көн саен диярлек берәр җиһаз фотосын куя. Ришат үзе шөгыльләнәме, әллә берәрсенә ярдәм итү йөзеннән игълан куйдымы дип шикләнәсе юк. Ришат үзенең кесә телефоны номерын күрсәткән. Тик җырчы, яңа эше турында белешергә дип никадәр шалтыратсам да, телефонын алмады. Әллә эше тыгыз булды, әллә номерымны танып, сораудан качты. Болай итеп, клиентларыңны югалта күрмә, Ришат!