#Шоу-бизнес 28 февраля 2019, 09:13 Уку өчен 2 минут

Ризат Рамазанов: «10 яшьтә мөкәйләргә өйрәнеп, 11 яшьтә тәпи киттем...»

28 февраля 2019, 09:13

Уку өчен 2 минут

ТМТV телеканалындагы "Сер булып калсын" тапшыруында Ризат Рамазанов балачагында аның белән булган кызганыч хәл турында сөйләде. Баксаң, ул 3 ел урын өстендә ятып, 10 яшендә генә кабат мөкәйләргә өйрәнеп, аннан соң гына тәпи киткән икән...

Скопировать ссылку

Ризат Рамазанов: «10 яшьтә мөкәйләргә өйрәнеп, 11 яшьтә тәпи киттем...»

- Кечкенә чакта авылда итек киеп хоккей уйный идек. Аерыла алмый уйнадык. Аның зыяны сәламәтлектә чагылды: бервакыт аякка баса алмый башладым. 6 яшемдә табиблар "Пертеса авыруы" дигән диагноз куйды. 3 ел хастаханәдә урын өстендә яттым. Ашавым да, бәдрәфкә йөрүем дә - шунда яткан килеш кенә иде. Ул еллар минем өчен дә, әти-әнием өчен дә авыр сынау елы булды... 3 ел эчендә аяк мускуллары бөтенләй дә калмаган иде. Кабаттан мөкәйләргә өйрәнеп, кабаттан тәпи китәргә өйрәнергә туры килде. Башта култык таяклары белән йөрдем, аннары - тотынып, һәм акрынлап җайлашып киттем.

Мин һәрвакыт хыял белән яшәдем һәм яшим. Урын өстендә ятканда: "Эх, дәү әнинең капка төбенә кадәр җәяү менсәм иде", - дидем. Мендем. Аннары: "Эх, велосипед белән менәргә иде", - дидем. Аллага шөкер, велосипед белән дә мендем. Матай белән дә мендем. Машина белән дә...
Ходаема мең рәхмәт!