Р.Ваһапов фонды яңа проект башлады!

“Максатыбыз - сәхнәләрдә бик үк күренмәгән, әмма бик талантлы, моңлы җырчыларыбызны эзләү, табу, халыкка җиткерү. Халык талантлары, халык җәүһәрләре бит алар! Яз көне Казанда аларның зур концертын да оештырырга уйлыйбыз.

Безнең яңа башлангыч турында нәрсә уйлыйсыз? Хуплыйсызмы? Бу проектта кемнәрне күрергә, ишетергә телисез? Исемнәрен языгыз, язмаларын җибәрегез! Проект Татарстан белән генә чикләнми, әлбәттә! Фикер-тәкьдимнәрегезне көтәбез!” - ди Рифат Фәттахов.

“Халык җәүһәрләре” сәхифәсен 40 елдан артык җыр-моң дөньясында яшәүче Азнакай егете Миргаяз Шәрәфиев ачып җибәргән.