#Сорау-җавап 17 сентября 2021, 17:17 Уку өчен 2 минут

Иминият пенсиясен ничек саныйлар?

17 сентября 2021, 17:17

Уку өчен 2 минут

"Мин - эшли торган пенсионер. Эшләүче пенсионерларның картлык буенча иминият пенсиясе яңадан исәпләнүе нәрсәгә бәйле булачак һәм миңа Пенсия фондына мөрәҗәгать итәргә кирәкме?"

Скопировать ссылку

Казан шәһәренең Киров районындагы Россия Пенсия фонды идарәсенең клиент хезмәте (бүлек хокукларында) баш белгеч-эксперты Мария Спиридонова аңлатканча, 1 августтан 2020 елда эшләгән пенсионерларга картлык һәм инвалидлык буенча иминият пенсияләре күләме арткан. Эшләүче пенсионерларга августта ел саен ясала торган яңадан исәпләү гаризасыз башкарыла, ягъни пенсионерларга РПФ клиент хезмәтенә мөрәҗәгать итәргә кирәкми. Пенсиягә өстәмә индивидуаль: аның күләме эшләүче пенсионерның узган елдагы хезмәт хакы дәрәҗәсенә, ягъни түләнгән взносларның суммасына һәм исәпләнгән пенсия коэффициентларына бәйле.

Пенсия кануннары нормалары нигезендә пенсия күләмен яңадан исәпләгәндә, өстәү төзәтүдән өч пенсия коэффициенты белән чикләнгән. 2021 елда бер коэффициентның бәясе - 98,86 сум (эшләмәүче пенсионерлар өчен), ягъни өстәү акчалата эквивалентта 296,58 сумнан артык була алмый. 2016 елдан эшләүчеләр өчен бер коэффициент бәясе 71,42 сум күләмендә кулланылачак, димәк максималь арту 214,23 сум тәшкил итәчәк.

Пенсияләр һәм социаль түләүләр турында тулырак мәгълүмат – Социаль тәэмин итүнең бердәм дәүләт мәгълүмат системасы сайтында (ЕГИССО).

Һәр пенсионер, дәүләт хезмәтләре порталында пароль кулланып, аның пенсия эшендәге үзгәрешләрне мөстәкыйль рәвештә Социаль тәэмин итүнең бердәм дәүләт мәгълүмат системасы шәхси кабинетында күзәтә ала.

Кызыклы яңалыкларны күзәтеп бару өчен Вконтактега кушылыгыз.