#Сорау-җавап 26 марта 2021, 13:07 Уку өчен 2 минут

Кәһва калдыгы бозлавыктан саклыймы?

26 марта 2021, 13:07

Уку өчен 2 минут

– Кофе калдыгы бик файдалы икән. Кемдер аны тәнгә сөртер өчен скраб буларак файдалана, кәһва белән чәч юучылар да бар. Баксаң, ул таеп егылудан да саклый, дип укыдым. Боз өстенә сибәләр ди. Бу чынлап та шулаймы? Әлеге ысулны ник кулланмыйлар икән? Әминә, Яшел Үзән.

Скопировать ссылку

Кәһва калдыгын чынлап та бозлавык булмасын өчен тоз урынына файдаланырга була икән. Әлмәттә бу ысулны файдалана башлаганнар инде. Шәһәрнең заправка станцияләре һәм кофейнялары экологлар үтенече буенча кофе калдыгын җыеп барганнар. Нәтиҗәдә, бер айга 50 килограмм кофе калдыгы җыелган. Аны «Сәламәтлек» паркы юлларына сипкәннәр. Баксаң, мондый алым Бөекбритания паркларында актив кулланыла, ди. Кәһва калдыгы экологик яктан чиста, аяк киемнәрен бозмый, йорт хайваннарының тән тиресенә зыян салмый, ди. Кар эрегәч, ул үсемлекләр өчен ашлама була.

Фото: http://pixabay.com

Кызыклы яңалыкларны күзәтеп бару өчен Вконтактега кушылыгыз.