Хуҗалыкларда савым сыеры тотучыларга субсидия кайчан бирелер икән? Шул акчага печән сатып алыр идек. Субсидияне март аенда ук бирәләр дип ишеткән идек, безгә һаман килеп җитмәде. Рания Зәйнуллина, Кама Тамагы.
Татарстан Авыл хуҗалыгы һәм азык-төлек министрлыгының шәхси хуҗалыкларны үстерү секторы белгече Ольга Петрова:
– Субсидия бирүне сорап, Татарстан Президентына хат юлладык. Ул аны Финанс министрлыгына җибәргән. Кайчан булачагын әйтә алмыйбыз.
PS. Бер сыер тотучыга – 2 мең, ике сыер асраучыга – һәр сыерына 3әр мең, өч һәм аннан да күбрәк мал тотучыга 4әр мең сум күләмендә субсидия түләү планлаштырыла.
Иң мөһим һәм кызыклы язмаларны Татмедиа Telegram-каналында укыгыз
