Шәһри Казан

Такта бәдрәфләр – федераль трассаның мескенлеге

Россия Президенты Владимир Путин 26 гыйнварда Мәскәү янында Репинская юл-транспорт чишелешен ачу чарасында катнашты. Ул 2024 елга илнең эре 105 агломерациясендәге юлларның 85 процентын норматив дәрәҗәгә җиткерү планлаштырылганлыгын әйтте. “Юл төзүчеләрне колачлы эшләр көтә. Ерак Көнчыгыштан – Калининградка һәм Кырымга кадәр”, – диде Президент Владимир Путин.

Иң мөһиме – зур проектларга акча чыганаклары тәгаенләнгән. М-12 тизйөрешле автотрассасы да Россия Хөкүмәте тарафыннан гарантияләнгән проект. Аны 2024 елга төзеп бетерү бурычы куелган.

Транспорт һәм юл хуҗалыгы министрлыгының киңәйтелгән коллегиясе утырышында Татарстан Президенты Рөстәм Миңнеханов М-12 автотрассасы проекты буенча да актив эшләргә кирәклеген искәртте.
– Мәсьәлә игътибар үзәгендә тотыла, М-12 автотрассасы узачак районнар җитәкчеләре белән көн саен сөйләшеп, чаралар планын барлап торабыз, – дип аңлатма бирде республиканың транспорт һәм юл хуҗалыгы министры Фәрит Хәнифов.

Реклама

М-12 автотрассасының 145 чакрымы республика җирлегенә туры килә, ул Кайбыч, Апас, Югары Ослан, Кама Тамагы, Питрәч, Лаеш районнары аша уза. Министр Фәрит Хәнифов: “Автомобильләргә газ кудырып тутыру станцияләре төзелешләре өчен М-7 һәм булачак М-12 автотрассаларында урыннар билгеләү чаралары күрелә”, – диде.

Мәсәлән, М-12 автотрассасының Татарстандагы 145 чакрым юлның як-ягында, ун чакрым саен гына да, 28 станция-хезмәт күрсәтү комплексы оештырып булыр иде. Бу күпме эш урыны!

М-7 федераль автотрассасында Татарстанга караган АЗСларны заман таләпләренә җавап бирерлек итеп үзгәртеп төзисе иде. Россиянең башка төбәкләре кешеләре безнең станцияләргә кызыгып туктарлык булсын. Кызганыч, М-7 автотрассасының Казан – Чаллы участогындагы такта бәдрәфле АЗСлар белән шоферларны да, туристларны да җәлеп итеп булмый.
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: