«Ак Барс» отты, Барулин оттырды
«Ак Барс» һәм Россия җыелма командасының капкачысы Константин Барулин «Атлант» һөҗүмчесе Николай Жердев белән бәхәсләшеп, үз дигәненә ирешә алмады. КХЛ чемпионаты кысаларында узган соңгы очрашу алдыннан Барулин Жердевтан гол керттермәячәкмен дип бәхәскә кергән. Җиңелгән кеше 10 тапкыр идәнгә ятып кулларда күтәрелергә тиеш булган.
«Ак Барс» һәм Россия җыелма командасының капкачысы Константин Барулин «Атлант» һөҗүмчесе Николай Жердев белән бәхәсләшеп, үз дигәненә ирешә алмады. КХЛ чемпионаты кысаларында узган соңгы очрашу алдыннан Барулин Жердевтан гол керттермәячәкмен дип бәхәскә кергән. Җиңелгән кеше 10 тапкыр идәнгә ятып кулларда күтәрелергә тиеш булган.
Белгәнебезчә, К.Барулин узган ел «Атлант» клубы төсләрен яклаган иде. Бу команда белән якыннан таныш, биредә дуслары күп. Быел «Ак Барс» өчен чыгыш ясый башлагач, атлантлылар беренче очрашуда элеккеге клубташын бирелергә мәҗбүр иткән иде. Узган уенда исә Казан командасы моның бурычын кайтарды - исәп 3:1. Безнекеләрдән ике алканы Д.Зарипов, берсен Д.Голубев кертте. Ә кунаклардан исә нәкъ менә Н.Жердевка бәхет елмайды.
«Бу уенга чыкканда тыныч идем. Яхшы уен күрсәттек һәм кирәкле өч очконы алдык, - дип белдерде Барулин уеннан соң. - Кызганыч, Жердев бәхәстә җиңеп чыкты. Ул барыбер миңа бер алка кертә алды». Капкачы «Атлант»та уйнаган елларын яхшы яктан гына искә ала. «Бу команда белән без «көмеш» алуга ирештек. Ләкин мин хәзер Казанда, миңа мондагы җанатарлар яхшы мөгамәләдә, һәрчак безне куәтләп, безнең өчен «җан аткан»нары өчен зур рәхмәт аларга», - диде «Ак Барс» капкачысы.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар