Шәһри Казан

Алда да җиңүләр юлдаш булсын!

Татарстанның Бөгелмә районында Can-Am Trophy Russia-2013 ачык квадросериянең 2 нче этабы узды.

Реклама

Can-Am Trophy Russia-2013нең 1 нче этабында катнашучылар квадросериянең яңа форматында - ралли-рейдта узыштылар. 2 нче этапта катнашучылар кантри-кросс махсус биләмәсендә осталыкларын күрсәтергә тиешләр иде. Казаннан «Татмедиа» басма һәм массакүләм коммуникацияләр буенча республика агентлыгы җитәкчесе Ирек Миннәхмәтов һәм Екатеринбургтан Антон Власюк экипажы иң осталары булып чыкты. Алар кантри-кросста гына түгел, үз классларында ярышлар узган ике көн нәтиҗәләре буенча да, абсолют зачетта да 1 нче урынга лаек булдылар. «Без бүген көпчәкләр, яңгыр белән көрәштек, мотор белән дә кыенлыклар туды. Әмма барысы да уңышлы узды», - диде Ирек Миннәхмәтов, хисләре белән уртаклашып. Ярышларның 1 нче көненә килгәндә, үзләренең 300 чакрымга якын юл үткәннәрен әйтеп: «Барысы да бер сулышта узылды», - дип белдерде ул. Ә ярышларны оештыруга килгәндә, фикере бер аның; «Татарстан барысын да һәрвакыт югары дәрәҗәдә башкара».
Сериянең 1 нче этабы май аенда Владимир өлкәсендә үткән иде. Ә Татарстан ярышларны инде 3 нче тапкыр кабул итә. Алдагы икесе 2011, 2012 елларда Татарстанның Саба районындагы Миңгәр авылында узган иде. 2013 елгысы Бөгелмәдә үтте. 3 нче этап исә сентябрь аенда Кировта узачак. Ирек Миннәхмәтов әле ярышларның йомгаклау этабында да катнашып, сериянең төп җиңүчесе булырга ниятли.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: