Шәһри Казан

Өченче чиректә сәер хәлләр булгалый

Казан УНИКСы профессиональ баскетбол лигасы (ПБЛ) кысаларында үз мәйданында Мәскәү ЦСКАсы белән очрашты. Белүебезчә, УНИКС даими чемпионатта беренче дүртлек өчен көрәшә. Җиңү аңа сулар һава кебек кирәк иде. Казан баскетболчылары беренче чирекне, ЦСКА былтыргы чемпион дип тормады, җиңде. Исәп 21:16. Тик уңышны озын тәнәфескә кадәр дә саклый алмады УНИКС -...

Реклама

Казан УНИКСы профессиональ баскетбол лигасы (ПБЛ) кысаларында үз мәйданында Мәскәү ЦСКАсы белән очрашты. Белүебезчә, УНИКС даими чемпионатта беренче дүртлек өчен көрәшә. Җиңү аңа сулар һава кебек кирәк иде.
Казан баскетболчылары беренче чирекне, ЦСКА былтыргы чемпион дип тормады, җиңде. Исәп 21:16. Тик уңышны озын тәнәфескә кадәр дә саклый алмады УНИКС - 31:34 исәбе белән гамәлдәге чемпионнар алга чыкты. Өченче чиректә безнекеләрне бөтенләй танырлык түгел иде. Тагын 11 очко өстенлек биреп, исәп бөтенләй 41:55 булды. Бусы инде казанлыларны тереләй күмү белән бер. Дүртенче чиректә УНИКС, ничек кенә тырышмасын, исәпне аз гына да үз ягына авыштыра алмады: 57:75. Казан баскетбол командасы үз-үзен тагын да авыр хәлдә калдырды.
УНИКСның баш тренеры Евгений Пашутин: «Лидерларның көче бөтен уенга да җитмәде. ПБЛ матчлары - Казан баскетболчылары өчен иң авыры. Оттыруыбыз өчен үзебез гаепле. Тупны тик торганда күп югалттык һәм блок-шотларга эләктек. Хәзер без гыйнвар аенда тоткан формабызны кире кайтарырга тырышабыз».
УНИКС катнашында киләсе матч 16 мартта Каунас шәһәрендә үтәчәк. Казанлылар анда ВТБ бердәм лигасы кысаларында «Жальгирис» белән уйнаячак.

Теги: 250
Нравится
Поделиться:
Реклама
Комментарии (0)
Осталось символов: