Шәһри Казан

Кем суга бата, кем таудан мәтәлә...

Саба районының Миңгәр авылында 14-16 сентябрь көннәрендә узган ярышта катнашучылар арасында юешләнмәгән кеше калмады.

«Can-Am Russia-2012» ачык юлсызлык квадросериясенең өченче этабы узды биредә. Ярышның төп оештыручылары - POSAN компаниясе һәм Екатеринбургның OFF ROAD клубы. Россия күләмендә квадросерия 2010 елда үткәрелә башлаган. Беренчесендә 96 спортчы катнашкан булса, узган ел аларның саны 116га җиткән. Сериянең 1-2 этаплары Пермь һәм Ставрополь шәһәрләрендә узган. Татарстан квадроциклларда узышларны инде икенче мәртәбә кабул итә. Монысына Россиянең төрле шәһәрләреннән 50 экипаж килде. Төбәкләрдәге бәйгеләрне оештыруга XPENZA (Пенза), ОФФ-РОУД (Санкт-Петербург), «Чингисхан-Русфинанс Банк» (Казан), «Экстрим» (Чиләбе) клублары теләктәшлек күрсәтә. Бу төркемгә хәзер «Дилос-Экстрим» (Пермь) һәм «Экстрим-парк» (Ставрополь) клублары да кушылган.
Спортчылар 15 сентябрьдә Саба районы авыллары, урман-кырлары буйлап 200 километрлы ралли-рейд узды. Иң катлаулы бәйге 16 сентябрьдә Миңгәр авылы янында Мишә елгасы кишәрлегендә барды. Су, баткаклык, сикертмәләр һәм таулар киртәләрен квадроциклларда узганда берәү дә ярыштан читтә кала алмады. Кем суга бата, кем таудан мәтәлә, йөзләгән тамашачылар өстенә су, юеш балчык чәчри. Бәйгене Саба муниципаль район хакимияте башлыгы Рәис Миңнеханов та кызыксынып хозур кылды. Татарстанның халык артисты Салават Фәтхетдиновның да йөрәге түзмәгән, таякларга таянып булса да, спортчыларга көч биреп торырга килгән.
Ике узыш исәпләрендә ATV-open категориясендә Александр Шапочкин белән Сергей Шеленков (Мәскәү), SSV-original категориясендә Станислав Трильев белән Алексей Волокитин (Екатеринбург), ATV-original категориясендә Сергей белән Николай Новиковлар (Пенза) җиңү яулады. Узышларда «Чингисхан-Русфинанс Банк» командасы вәкилләре Ирек Миннәхмәтов белән Антон Власюк (Казан-Екатеринбург) экипажына тиңнәр табылмады. Бу экипаж - «Абсолют» категориясендә җиңүче. Татарстанның Рафаэль Фәттахов белән Артем Люлинский экипажы да алдынгылар сафында. Уңышлы чыгыш ясап барган кыю кызларыбыз Алинә Миннәхмәтова белән Ольга Васильева экипажы квадроциклы хәлиткеч мизгелләрдә сазлыкка батып калды.
POSAN компаниясе җиңүчеләргә квадроцикллар бүләк итте.

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1153
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    543
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    401
    0
    0
Ночной режим