Шәһри Казан

Клоун сүзе, имеш...

Биатлон сезоны тәмам, әмма аның тирәсендәге тавыш-гаугалар тиз генә тынмас, мөгаен. Моңа биатлонны яктыртуда «алыштыргысыз» комментатор Дмитрий Губерниев сәбәп биреп кенә тора. Хәер, биатлонда гына түгел, футбол буенча чемпионатны туры эфирда яктыртканда да уенчыларның шәхесенә кагылырга кыенсынып тормый ул. Ханты-Мансида быелгы сезонны ябу тантанасында телекомментатор белән Россиянең хатын-кызлар җыелма ко­мандасы...

Реклама

Биатлон сезоны тәмам, әмма аның тирәсендәге тавыш-гаугалар тиз генә тынмас, мөгаен. Моңа биатлонны яктыртуда «алыштыргысыз» комментатор Дмитрий Губерниев сәбәп биреп кенә тора. Хәер, биатлонда гына түгел, футбол буенча чемпионатны туры эфирда яктыртканда да уенчыларның шәхесенә кагылырга кыенсынып тормый ул. Ханты-Мансида быелгы сезонны ябу тантанасында телекомментатор белән Россиянең хатын-кызлар җыелма ко­мандасы тренеры Павел Ростовцев арасында конфликт чыга. «Советский спорт» хәбәр итүенчә, Губерниевның биатлончы Светлана Слепцованың колагына нәрсәдер пышылдавы тренерга ошамый. Комментаторның тренерлар эшенә кысылуыннан, чаманы белми тән­кыйтьләп, эфир аша ки­ңәшләр бирүеннән туйган Ростовцевның түземе төкә­нә. Ул Губерниевның кылануын ис­кәртеп, аңа кул бирмәячәген әйтә. Бу сүз­ләрне ишеттерү өчен микрофон бирәм дип өркеткән Губерниев үзе соңыннан әлеге инцидентны шәрех­ләүдән баш тарта. «Клоуннар белән тилеләрнең сүзләрен шәрехләргә җыенмыйм», дип, гадәттәгечә йомры сүзләр ташлау белән чикләнә ул.

Теги: 250
Нравится
Поделиться:
Реклама
Комментарии (0)
Осталось символов: