Көрәш буенча дөнья чемпионатында Россия җыелмасы өчен кемнәр көрәшәчәк?

Бу ял көннәрендә матур гадәт буенча Миңгәр авылының данлыклы Сабан туенда көрәш буенча дөнья чемпионатының финалы узачак. Ярышның беренче өлеше исә шул ук көнне Сабада үтәчәк.

Дөнья чемпионатында Россия җыелма командасы нинди составта чыгыш ясый соң? Безгә килеп ирешкән мәгълүматларга караганда, Россия командасы ике состав белән чыгыш ясарга җыена. 

Беренче состав: Раббани Нургалиев, Илнар Закиров, Динар Кәримуллин, Рамил Синәкәев, Ренас Кәлимуллин, Ранис Галимуллин, Илнар Галимов, Раил Нургалиев, Муса Галләмов, Сергей Павлик.

Икенче состав: Иван Андреев, Марсель Сөләйманов, Абдулвахаб Асаинов, Рамил Галимов, Алмаз Хөсәенов, Ринас Садаров, Айгиз Зәйнетдинов, Айнур Сыртаев, Фәрхәт Фәйзуллин.

Шунысы да бар: Россиянең иң көчле көрәшчеләреннән саналган Турал Азимов - Әзәрбәйҗан, Егор Егоян исә Әрманстан җыелмалары өчен бил алышачак.

Фото: https://minsport.tatarstan.ru/