16+

Александр Малькевич: Татарстан яңа тренд уйлап тапты

«Минем тавыш» - сайлау законнарындагы үзгәрешләр хакында экспертлар катнашында фикер алышу, сайлау процессының ачыклыгын тәэмин итү һәм тавыш бирүнең барышын күзәтү өчен даими мәйданчык.

Александр Малькевич: Татарстан яңа тренд уйлап тапты

«Минем тавыш» - сайлау законнарындагы үзгәрешләр хакында экспертлар катнашында фикер алышу, сайлау процессының ачыклыгын тәэмин итү һәм тавыш бирүнең барышын күзәтү өчен даими мәйданчык.

Бүгенге онлайн-форумда сайлаучылар, белгечләр һәм күзәтүчеләр катнашында быелгы сайлаулардагы яңалыклар, сайлауларның барышы турында сөйләнелде.

Башкалардан аермалы буларак, Татарстан сайлаулар барышын күзәтергә блогерларны чакырган. Онлайн-форум барышында бу хакта РФ Иҗтимагый палатасының интернет челтәрендә дөрес булмаган мәгълүматны таратуга каршы төркеме җитәкчесе Александр Малькевич билгеләп үтте. Әлеге стандарт булмаган алымны Әстерхан да кулланырга тели. Малькевич сүзләренчә, проектның пилот моделе белән Татарстан сайлаулар барышының җәмәгатьчелек күзәтүен ни рәвешле төрләндереп булганын күрсәтә. Блогерларның мобиль күзәтүче булачагы ай башында билгеле булган иде. Бу атнада республиканың Үзәк сайлау комиссиясе башлыгы алар белән очрашты.

Онлайн-форумда блогер Камилә Хафизова Казанда сайлаулар барышы турында фикерләре белән уртаклашты. Куркынычсызлык буенча, барысы да регламент буенча узды, уңай тәэсирләр генә калды, дип белдерде блогер. Үзәк сайлау комиссиясе башлыгы Андрей Кондратьев сайлауларда блогерларның катнашуын үзе өчен зур тәҗрибә дип атады. РТ Президентын сайлауларда беренче тапкыр 100дән артык Казан блогеры катнаша.

Андрей Кондратьев белдергәнчә, республика хастаханәләрендә 38 өстәмә сайлау участоклары ачылган. “Бу коронавирус белән генә бәйле яңалык түгел, һәрвакыт эшләнә торган эш. Без хастаханәдәге авыруларга тавыш бирү мөмкинлеге тудырабыз. Бик күп табиблар хәзер сайлау участокларында”, - диде Үзәк сайлау комиссиясе башлыгы. 

Татарстан Республикасында кеше хокуклары буенча вәкаләтле вәкил Сәрия Сабурская әйтүенчә, кайнар линиягә кергән шалтыратуларның күбесе сайлау участокларын ачыклау белән бәйле. Кичәгедән башлап 41 шалтырату кабул ителгән. Вәкаләтле вәкил берничә сайлау участогын тикшергән, аларда җитешсезлекләр  күзәтелмәгән.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading