Быел каен җиләге аеруча күп булды, җыймыйча да түзеп булмый бит
Балык Бистәсе районы Олы Елга авылында яшәүче Нурсинә Яфизованың инстаграм битенә куйган җиләкләре беркемне дә битараф калдырмады.
Балык Бистәсе районы Олы Елга авылында яшәүче Нурсинә Яфизованың инстаграм битенә куйган җиләкләре беркемне дә битараф калдырмады.
Атна-ун көн җиләккә йөреп, көн дә берәр литрлы унбишәр чиләк җиләк җыеп кайталар һәм аларны көне-сәгате белән сатып та бетерәләр. Нурсинәнең әнисе Фатыйма апа әйтүенчә, җиләк җыярга иртәнге сәгать өчтә торып китәләр дә, алтыга инде кайтып та җитәләр. Кияүләре Марат җиләк җыярга бигрәк тә хирыс икән. Без бер чиләк җыйганчы, ул өч чиләкне тутырып куя, ди Фатыйма апа.
Яфизовлар җиләк җыеп сату белән өч ел элек шөгыльләнә башлаган. Моннан шактый гына акча да эшләп була ди. Быел атна-ун көндә генә 50-60 мең сум акча эшләгәннәр. Иш янына куш дигәндәй, гаиләләре белән эшләп тапкан акчаны хуҗалыкта төзелеш эшләренә тоталар.
– Кызым Нурсинә кафеда, киявебез Марат тракторда эшли. Эшкә кадәр дә, аннан соң да тиз генә җиләккә менеп төшәләр. Өч бала тәрбиялиләр, олысы белән уртанчысы да әти-әниләре белән җиләккә йөри. Лаеш якларына ук барып җыялар, үзләре генә белгән урыннары бар. Быел каен җиләге аеруча күп булды, җыймыйча да түзеп булмый бит. Сатмый кала алганнары юк. Баштарак олы юл буена чыгып саталар иде, өч ел эчендә клиентлары барлыкка килде. Кукмарадан хәтле килеп алалар, – дип сөйләде Фатыйма апа.
Вход на сайт
Язмага реакция белдерегез
Мөһим
-
#Спорт
Көрәшчеләр урамында зур бәйрәм. Мондыен күргән юк иде әле
-
#Кыскача яңалыклар
Янә һәлакәт: машина урталай «киселгән», йөртүчесе авыр хәлдә
-
#Мәгариф
Башка халыклар мәдәниятенең, тарихының кадерен белү безне көчле итә
-
#Җәмгыять
«Бер пар итекне кышын 200 сумга түшим. Җәен бәяләрне 20 сумга киметәм»
-
#Кыскача яңалыклар
«Айфара» төркеме артистлары котлаулар кабул итә
Комментарийлар
0
0
Молодцы! Куанычы булсын берүк. Зур тырышлык, сабырлык кирәк бит каен җиләген җыярга. Сокланам.
0
0
0
0
Молодцы! Тырышкан табар диляр бит!
0
0