Шәһри Казан

Бакчачылык ширкатендәге юлларга асфальт сала башлыйлар

Моңа кадәр бакча дип бик исе китмәгәннәр дә, быелдан җир кишәрлеге хәстәрен күрә башламагае әле. Чөнки нәкъ менә быелдан Татарстан Президенты Рөстәм Миңнеханов башлангычында республикадагы бакчачылык ширкатьләренә асфальт юллар төзү старт ала.

Казанда тәүге чиратта "Энергетик", "Строитель", "Геолог", "Мечта", "Любитель природы", "Волга" һәм "Полуостровок"ка бәхет елмаячак. Әлеге ширкатьләр 5315 кишәрлекне берләштерә.
- Бакчачылык ширкатьләренә илтүче юллар СССР чорларыннан бирле каралмады. Татарстан Президенты ярдәмендә мәсьәләне чишү мөмкинлеге туды. Безнең халык бакчада эшләргә ярата бит,-дип фикере белән уртаклашты Казан мэры урынбасары Рөстәм Нигъмәтуллин кичә "эшлекле дүшәмбе" киңәшмәсендә.

Шәһәр башкарма комитеты җитәкчесе урынбасары-тышкы төзекләндерү комитеты рәисе Игорь Куляжев чыгышында әйтелгәнчә, киләсе җәйдә башкаланың 33 урам юлы, 180 ишегалды, 30 квартал эче юллары салына. Ибраһимов, Копылов, Маршал Чуйков, Восстание, Тукай, Миль, Карл Маркс, Даурия, Танк, Нариманов урамнары юллары төзекләндерелә. Транспорт аварияләре еш күзәтелә торган Беломор белән Чапаев урамнары һәм Фучик белән Сафиуллин урамнары киселешендә светофорлар, рәшәткәләр урнаштырылачак.

"Имин һәм сыйфатлы юллар" федераль проекты кысаларында, быел Казан юлларын яңартуга ике миллиард сум тәгаенләнгән. Шуның 1,2 миллиард сумы-федераль, ә 800 миллион сумы республика бюджетыннан.
- Казанның муниципаль юл фондыннан 94 миллион сум билгеләнде. Бу акчаларга 46 мең квадрат метр юлның чокыр-чакырларын ремонтлауга керешелде. Эш күбесенчә төнге сәгатьләрдә үткәрелә. Моннан тыш, 320 юл билгесе куелачак, тагын өч километр рәшәткә тотылачак,-диде Игорь Куляжев.
Төзекләндереләчәк ишегалларыннан иң зурлары: Академик Павлов урамындагы 19,21, 23, 23а; Голубятников урамындагы 30нчы, Дубравная урамындагы 23, 23а, 23в, 25нче; Восход урамындагы 11, 13, 15нче; Блюхер урамындагы 81, 83, 85нче; Минск урамындагы 44, 46, 48, 52нче; Себер трактындагы 24, 26, 28, 30, 32нче йортлар.

-Ишегалларындагы юллар киңәйтелә. Өч мең машинага "кесә", ягъни урын барлыкка киләчәк. Төзекләндерү эшләре физик мөмкинлекләре чикле кешеләрнең мәнфәгатьләрен исәпкә алып үткәрелә,-диде Игорь Куляжев.

Казанда 2011 елдан башлап 1625 ишегалды, 10 миллион квадрат метр юл өслеге, шул исәптән, 36 бистәдәге 263 юл төзекләндерелгән.
-Чиктән тыш ватылып беткән ишегаллары юллары төзекләндерүнең быелгы планына кетрелде. Эш колачы зур әле, шулай да һәммә ишегалдына барып җитәчәкбез. Салмачы бистәсендә яшәүчеләр Кол Гали урамы юлыннан зарлана. Быел, ниһаять, Кол Гали урамы юлы киңәйтеп салыначак, анда светофорлар да булачак,- дип, сөйләшүгә йомгак ясады Рөстәм Нигъмәтуллин.

Шәһри Казанга Telegramда язылыгыз

Реклама
Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    189
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    598
    0
    6
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    529
    0
    2
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    364
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    197
    0
    0
Ночной режим