Гомумшәһәр өмәсе Казанда 27 апрельдә узачак

1 апрельдә Казанда шәһәрне санитар чистарту һәм төзекләндерү буенча икеайлык старт ала, ә 27 апрельдә Татарстан башкаласында гомумшәһәр өмәсе үткәрелә, дип яза KZN.RU. Өмәләрдә шәһәр парклары, скверлары һәм башка җәмәгать киңлекләре, шулай ук ишегалды территорияләре тәртипкә китерелә. Шәһәрне санитар чистарту буенча икеайлык 31 майга кадәр дәвам итә.

Скопировать ссылку

1 апрельдә Казанда шәһәрне санитар чистарту һәм төзекләндерү буенча икеайлык старт ала, ә 27 апрельдә Татарстан башкаласында гомумшәһәр өмәсе үткәрелә, дип яза KZN.RU. Өмәләрдә шәһәр парклары, скверлары һәм башка җәмәгать киңлекләре, шулай ук ишегалды территорияләре тәртипкә китерелә. Шәһәрне санитар чистарту буенча икеайлык 31 майга кадәр дәвам итә.

Исегезгә төшерәбез, узган ел гомумшәһәр өмәсендә 1,5 меңнән артык предприятие һәм 55 мең кеше катнашты, 400 берәмлек техника җәлеп ителде. Нәтиҗәдә шәһәрнең 75 җәмәгать территориясе чистартылды, калдыкларны күмү полигоннарына 10,5 мең куб. м чүп чыгарылды. Шуны да билгеләп үтәргә кирәк, узган ел өмә беренче тапкыр калдыкларны аерым җыю кагыйдәләре буенча оештырылган иде. 
 

Фото: kzn.ru

#өмә