Ноябрьдә кыш җитәрме?

Чәршәмбе көнне, 13 ноябрьдә, Татарстан аша салкын атмосфера фронты узачак. Ул җепшек кар һәм яңгыр алып килә. Һава температурасы төнлә -1дән +4 градуска кадәр, көндез – 2дән 6 градуска кадәр җылы булачак.

Иртәгә – 14 ноябрьдә, төбәк көнбатыштан килгән антициклон йогынтысында була. Нигездә, явым-төшем ихтималы аз. Төнге сәгатьләрдә һава температурасы -4 тән +1 градуска кадәр, көндез 0дән +5 градуска кадәр тәшкил итәчәк.

Татарстан синоптиклары мәгълүматы буенча, бу атна ахырына кадәр антициклон йогынтысы сакланачак һәм, нәтиҗәдә, явым-төшемсез аз болытлы һава торышы көтелә. Төнге сәгатьләрдә термометр баганалары -1 градуска кадәр 0дән түбән төшәчәк, көндез һава 1-6 градуска кадәр җылыначак.