Яңа ел бәйрәмнәрендә Казаннан Зөя шәһәрчегенә кадәр мультимодаль маршрут оештырыла

Яңа ел бәйрәмнәре көннәрендә казанлылар һәм Казан кунаклары, махсус мультимодаль маршруттан файдаланып, Зөя утрау-шәһәренә барып җитә алачак, дип хәбәр итә Казан мэриясе сайты.

Зөя станциясенә шәһәр яны поездларында килеп җиткәч, пассажирлар утрау-шәһәрчеккә кадәр бара торган автобуска күчеп утыра.

Станциядән утрау-шәһәрчеккә кадәр автобус 12.10, 14.10, 15.45, 17.10 сәгатьләрдә бара, кире юнәлештә – 13.30, 15.10, 16.25, 17.30 сәгатьләрдә.

Утрауның алты музее һәм автобуста йөрүне үз эченә алган бердәм билетны Казан-1, Казан-2, Компрессор, Әмәт, Юдино, Васильево, Яшел Үзән һәм Зөя станцияләрендәге шәһәр яны кассаларында сатып алырга мөмкин.