Ял итәргә дә, эшләргә дә була

Май бәйрәмнәрендә һава торышы нинди булыр икән?! Хәзерге вакытта күпләрне нәкъ менә әлеге сорау борчый. Алдагы көннәрдә ял итәр өчен дә, эшлим дигән кешегә дә һава торышы юлдаш булачак. ТР Гидрометеорология һәм әйләнә-тирә мохит мониторингы идарәсе мәгълүматларына караганда, бүген көндез температура + 15+20 градуска кадәр күтәреләчәк, урыны белән кыска вакытлы яңгыр яварга мөмкин. 1-2 май көннәрендә дә җылы булачак. 1 майда төнлә һәм көндез яңгыр явуы көтелә. Термометрлар төнлә белән +4,+9, көндез +15, +20 градусны күрсәтәчәк. 2 майда явым-төшемнәр көтелми, төнге якта +5, +10, ә көндез +18, +20 градуска кадәр җылытачак.