Шәһри Казан

Янә еллар алышына

Тышта елның соңгы фасылы. Бер көнне улап-дулап, күз ачарга ирек бирмәслек бураннары белән бөтен җирне күмеп китеп, икенче көнне кинәт җылытып, аяк астын боламыкка әверелдереп, өченче көнне янә салкынайтып, яраган җирдә дә, ярамаганында да «шугалак»лар хасил итеп, урам буенча, тотрыксыз булса да, кыш атлый. Ул әле чын йөзен, явыз, өшеткеч,...

2011гә нәтиҗә ясап
Бер көн генә дә икенчесен тулысынча кабатлап килә алмый, еллар хакында әйтәсе дә юк. Һәр ел берсе-берсеннән аермалы, бусының да үзенчәлекле мизгелләре байтак булды. Кемнәргәдер узып баручы ел борчу-мәшәкать, кайгы-хәсрәт алып килсә, икенчеләрне бәхетле итте. Шатлыклы яңалыклары белән куандырды, хафалы хәбәрләре белән көенеч-сагышка салды, вакыты-вакыты белән сөендерде-кинәндерде дә, интектерде-җәфалады да. Кыскасы, вакыйгаларның уңайларына да, тискәреләренә дә бай булды.
Ни кызганыч, китергән зыянының, корбаннар санының күләме белән бөтен илне яңгыратырлык, шәһәрләрдә матәм көннәре игълан итәрлек вакыйгалар тормышыбызда җитәрлек булды. Мәскәүнең аэропортында, метро станцияләрендә террорчылар тарафыннан бомбалар шартлатулар, Иделдә теплоход бату, алдынгылардан саналучы тулы бер хоккей командасының авиафаҗигадә һәлак булуы һ.б. шундый аяныч хәлләр безне зар еларга мәҗбүр итте. Игътибар шул фактка юнәлтелә - прогресс ышанычлы адымнары белән алга атлаган саен, бәла-казалар, хәвеф-хәтәрле ситуацияләр артканнан-арта бара. Инде җитәрлек цивилизациягә ирешкән, тик аңа гына риза булмыйча, тагын да алгарышка омтылучы бүгенге җәмгыятебезгә табигатьнең җавабыдыр инде бу.
2011 елда тормышыбызда куанычлы мизгелләр дә булмады түгел. Тәэсирлекләре ягыннан тискәреләреннән калышканга, алар хәтеребездә озакка уелып калмый, тик шулай да алар булды. Мисалга илебезнең төрле өлкәләрдә дөньякүләм казанышларын, спорттагы җиңүләрне, илнең торган саен һәрьяклап үсә, дәрәҗәсен арттыра баруын, киләчәк Универсиада белән Олимпиадага яхшы гына әзерләнә торуын китерергә була. Быелның туйларга бай булуын да искәртмичә булмый. Моңа җәй көннәренең матур торулары да, 09.09.11, 11.11.11. кебек истә калучан даталарның җомга көннәренә туры килүләре дә йогынты ясады, аннары өйләнешергә планлаштырып йөргән парлар бу эшне киләсе кәбисә елга да калдырмаска ашыкты. Җир йөзендә яшәүчеләрнең саны 7 миллиардка тулу, ул баланың Россиядә дөньяга килүе дә сөенечле вакыйгалар рәтенә керә.
Алда - зур бәйрәм
Берничә көннән яңа елга аяк басачакбыз. Кешеләр аны төрледән-төрле хисләр белән көтә. Күбебез яңа елдан бәхет-куаныч өмет итә, икенчеләребез тамырдан үзгәрергә, җитди адымнар ясарга исәпли, өченчеләребез зур планнар кора. Тик яңа елга күчкәнче, әле аның хөрмәтенә бәйрәм ителә торган илкүләм тантананы уздырып җибәрәсебез бар. Күпчелек халык ул бәйрәм төнен яңа елның үзенә караганда да өзгәләнебрәк көтә. Чөнки ул - туганнар белән җыелышу, дуслар белән очрашу, котлаулар, бүләкләр бирү төне. Ни кызганыч, шунысы да бар - кайберәүләр өчен ул төн: «Иске елны озатабыз, яңасын каршы алабыз», - дигән булып, типтереп эчүгә, аракыда «йөзү»гә генә дә кайтып кала. Нәтиҗәдә, Яңа ел төне алар тормышында тирән эз калдырырга мөмкин - талашу-сугышулар, җинаять кылулар, янгыннар, һәлакәтләр. Шуны истә тотып, бар кешегә дә ул төндә шешә белән артык «дус» булмаска киңәш итәр идем. Хөкүмәтебез дә булачак бәйрәмнең шул ягын кайгыртып, быел башкаланың үзәк чыршысы янында спиртлы эчемлекләрне сатуны да, аларны үзең белән алып килүне дә катгый тыйды.
Идарә дилбегәсен үз кулларына кабул итеп алырга инде әзер торучы Яңа ел белән, дуслар, туганнар! Ул барыбызга да бары тик бәхетләр генә алып килсен.
P.S. Кайбер фаразлар буенча, берничә көннән илкүләм уздырылачак тантана Яңа елны соңгы мәртәбә бәйрәм итү булачак, дигән сүзләр дә йөри. Янәсе, 2012 елның декабрь аенда ахырзаман җитәчәк. Сафсата бу, буш сүзләр. Яшибез әле, дуслар, Алла боерса, тагын бик озак яшибез!

Реклама

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1160
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    551
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    408
    0
    0
Ночной режим