Инстаграмга нинди фото һәм постлар куярга ярамый?

Нәфис, затлы хатын-кызлар өйдә матурлану-бизәнү процедурасының фото һәм видеоларын күрсәтергә тиеш түгел. Массажга баруыгыз, юынуыгыз, битлек ясавыгыз кадр артында калсын. Бьюти-блогерлар битендә булса бу үзен аклый әле. 

Авырулар темасын да күтәрергә кирәкми. Сезгә язылучылар арасында таныш булмаган кешеләр дә күп. Чирләп китүең турында аларга әйтү урамда бер белмәгән кеше янына барып сөйләү белән бер. 

Бүген сәламәт, матур булу модада. Сәламәт яшәү рәвешен алып баручылар инстаграмга спортзалдагы фотоларын куюны бурычы дип белә. Зәвыклы кеше болай итми. Фитнес-тренерларга ул килешә. 

Селфи ясау да җитди әйбер түгел икән. Аккаунтыгыз ябык булса һәм анда дусларыгыз, туганнарыгыз гына кергән икән, ул әле ярый. 

Ирегезне кочуыгыз һәм үбүегезне төшергән фотоларны күп куймагыз. Бәхет тынычлыкны ярата дигән сүзне истән чыгармагыз. 

Зәвыклы хатын-кызның инстаграм бите ул әйбәт китап яки кызыклы сериал кебек. Язылучыларыгыз кабат керсен һәм яңа мәгълүмат алсын өчен иң кызыклы җирендә туктата белегез. 

Яхшы тормышта яшәвегез белән азрак мактаныгыз. Сезгә бик зур чәчәк гөлләмәсен бүләк итүләре яки кыйммәтле машина алуыгыз турында сөйлисегез килә, әлбәттә, әмма хейтерлар да йоклап ятмый, үз адресыгызга тәнкыйть ишетәсегез килмәсә, тыйнак булыгыз. 

Дин һәм сәясәт турында сөйләү дә килешми. 

Өйдән турыдан-туры элемтәгә чыксагыз, кадрга нәрсә эләгүе турында уйлагыз. Өйдәге тәртипсезлек сезнең турында күбрәк сөйләргә мөмкин. 

Инстаграмга куйган теләсә нинди мәгълүмат файдалы, дөрес һәм дустанә булсын. 

(“АиФ”)

Фото: https://pixabay.com/