«Капшап кара»

Тегесе карыша, янәсе, кыйммәткә төшәчәк. Гөнаһына керәсем килми, әмма сөйләшүләреннән аңлашылганча, бу кыз гади клиент кына түгел, идарәченең сөяркәсе булырга тиеш.
- Син «капшап кара» ул телефонны, сизәсеңме нинди аерма? Алган-алган яхшысын алырга кирәк, - ди идарәче абзый.
- Әйе, аннары сине күпме «капшап карарга» кирәк булачак, - ди теге сары чәчбикә.
Кыскасы, абзый җиңде. Урамда кәттә машинада җилдерүче япь-яшь кызларны күргән саен, теге сүз исемә килеп төшә генә бит, каһәр. Студент кызларның хәләл көчләре белән шундый машиналар алмаганлыгы күренеп тора. «Сез дә капшап карадыгыз­мы?» - дип сорыйсы килә...