Шәһри Казан

70 төрле һөнәр иясе Фидаил Кадыймов: «Раилә минем өчен иптәш тә, хатын да, терәк тә, сердәш тә»

Егет кешегә җитмеш төрле һөнәр дә аз дигән мәкаль Әтнә районының Ары авылында яшәүче Фидаил Кадыймов турында әйтелгән диярсең. Кулыннан килмәгән эше юк: агач бишекләр, сыерчык оялары, эскәмияләр, балаларга уенчыклар, тимердән чүкеп бизәкләр, урындыклар ясый.

Моның өстенә биш еллап фотога төшерү белән шөгыльләнә, шигырьләр яза, бәлешләр пешерә, мәдәният йортында эшләүче хатынының да төп ярдәмчесе. Авыл клубына килгән артистларны да икәү каршы алалар, бәйрәмнәргә дә бергәләп әзерләнәләр.

Кадыймовларның йортларын табу авыр түгел. Тимердән коеп ясалган очкыч балкыган, ерактан ук калай кул сыны сәлам биргән йорт Арыда бердәнбер. Тимердән чүкеп ясарга Фидаил абый үзлегеннән өйрәнгән.
– Гап-гади эшче мин. Күп һөнәргә үзем өйрәндем. Эретеп ябыштыра башлагач, оныкка энекәштән калган самокатны яңартып бирдем, арба ясадым. Күпләр ишегалдындагы очкычка да гаҗәпләнә. Ә мин матурлык тудырудан рәхәтлек алам, – ди ул.

Әңгәмәдәшем тумышы белән күрше Күлле Киме авылыннан. Язмыш шактый сыный аны. Хис-кичерешләрен Фидаил абый шигырь юлларына сала башлый. Раилә апа белән гаилә корып яши башлагач, әдәбият, сәнгать белән кызыксынуы тагын да арта. Хатының клуб мөдире булгач, башкача мөмкин дә түгелдер. Арыда агач клуб, аны күмер, утын ягып җылыталар, ягулыгын әзерләргә кирәк. Ир-аттан башка булмый. Хәер, ул хатынына клубны җылытуда гына түгел, сценарийлар язганда, концертларны әзерләгәндә дә зур терәк.

– Мәдәният дип яшибез инде. Бу өлкәдә эш тыгыз, планнарың сәгате, минуты белән үзгәрергә мөмкин. Йорт-җирне дә карыйсы бар бит әле. Мал-туар да асрыйбыз, казлар да үстердек. Клубка барырга кирәк икән, ул көнне сыерлар уразада. Үзләре дә ияләнеп беттеләр бугай инде, бирсәң – ашыйлар, бирмәсәң – мөгрәмиләр, – дип елмая Фидаил абый.

Реклама

Әңгәмәдәшемнең тагын бер яраткан шөгыле – фотога төшерү. Аның иҗат җимешләре «Шәһри Казан» газетасы битләрендә дә еш басыла. Инде биш еллап фотоаппаратны кулыннан куйганы юк, хәтта аның белән йоклыйм дип тә шаярта үзе.
– Мизгелне вакытында төшереп алмасаң, ул югала. Берсендә ут янып торган миләш агачы күрдек, машинада бара идем, икенче көнне туктап төшерермен дип уйладым. Килсәм, җимешләрне кошлар чүпләп бетергән. Шуннан бирле фотоаппарат һәрчак минем белән, – ди.

Кадыймовларның активлыгына исең китә. Кыш җиттеме, ишегалларында кардан төрле сыннар әвәлиләр, түбәтәйләр кидертеп, татар кар бабае ясап куялар, чаңгыда йөриләр. Җәйләрен гөмбә, җиләк җыярга, балык тотарга яраталар. Печән җыю, көтүгә чыгу үзе бер бәйрәмгә әйләнә. Район үзәгендә булган бер концертны да калдырмыйлар. Фидаил абый, еш кына, хатынын төрле көтелмәгән бүләкләр белән куандырырга ярата. Раилә апа йокысыннан торган төшкә кырдан чәчәкләр җыеп кайта, кыш көне кардан йөрәк фигуралары ясап куя, машина тәрәзәсенә яңа яуган карга «Мин сине яратам» дигән язулар калдыра, ашарга пешерергә дә оста – кияү, кыз, оныклар бергә җыелганда, бәрәңге бәлеше сала. Май җиткәч, кычыткан ашы пешерә. Авыл егетләре романтиканың ни икәнен белмиләр дигән булалар тагын. Кадыймовлар 16 ел бергә гомер итәләр, яшьлектәге хисләр сүрелми, гаилә учагын саклау һәр парның үзеннән тора, диләр.

– Минем өчен гаилә – беренче урында. Кайберәүләр хатын дип дәшә, ә мин, күпләр өнәп бетермәсә дә, тормыш иптәшем дияргә яратам, чөнки Раилә минем өчен иптәш тә, хатын да, терәк тә, сердәш тә, – ди Фидаил абый.
Хатынына яратып дәшә торган тагын бер сүзе бар әле – песнәгем. Хәзер ел саен 12 ноябрьдә песнәкләр көнен уздыралар икән.

Әтнә, Ары

 

Нравится
Поделиться:
Реклама
Комментарии (0)
  • 23 апрель 2018 - 16:23
    ТМТВ премиясен тапшыру тантанасы: кемгәдер харизма, кемгәдер алкышлар җитмәде Узган шимбәдә “Пирамида” концертлар залында “ТМТВ татар музыкаль телеканалы премиясе”н тапшыру тантанасы узды.
    16
    0
    0
  • 23 апрель 2018 - 16:04
    Чия бәлеше пешерү ЫСУЛЫ Аның өчен 200 гр сыер мае, 1 йомырка, ярты стакан шикәр комы, 2 стакан он, 1 аш кашыгы каймак, 1 чәй кашыгы көпшәкләндергеч (разрыхлитель), 2 аш кашыгы крахмал, 600 гр чия (катырылган да ярый), 2 аш кашыгы шикәр пудрасы кирәк.
    25
    0
    0
  • 23 апрель 2018 - 15:21
    10 кубокның яртысы – Зариповныкы?! Спортка артык мөкиббән китмәсәм дә, соңны көннәрдә «Ак Барс» - ЦСКА, Гагарин кубогы дигән сүзләр бик еш колакта яңгыраганга, ял көнне кичке биштә телевизорны кабызып куярга булдым. Янәсе, өй тирәсендә кайнаган вакытта комментаторларның такылдавы менә дигән интершум булачак.
    46
    0
    1
  • 23 апрель 2018 - 11:29
    Гөлүсә һәм Наил Насыйбуллиннар: «Үзең эшләгәч, акча да янга кала» Гөлүсә һәм Наил Насыйбуллиннар гаиләсе туганга – 29 ел. Алар дүрт бала тәрбияләп үстергән. Өчесенең инде үз гаиләләре барлыкка килгән. Насыйбуллиннарның биш оныгы бар.
    180
    0
    2
  • 22 апрель 2018 - 14:07
    «ТМТV» премиясен тапшыру тантанасы турында 10 кызыклы факт 1. Һәрвакыт концерт ахырында җырлый торган Elvin Grey бу юлы тамашаны ачып җибәрде һәм елның иң популяр җырчысы булып танылды.
    1369
    0
    1
  • 22 апрель 2018 - 14:00
    Циркта оныкларым курыкты Балачакта циркка еш бара идек. Ул чакта алгы рәтләргә билет 1 сум 20 тиен генә иде шул. Хәзер бәяләр дә, цирктагы мохит, чыгышлар да башка.
    247
    0
    1
  • 22 апрель 2018 - 12:12
    Как ясау ЫСУЛЫ Гөлүсә Насыйбуллинадан тәмле как рецепты
    408
    0
    4
  • 22 апрель 2018 - 11:01
    Роберт Миңнуллин мәзәкләре Барып җитеп булмый...
    247
    0
    2
  • 22 апрель 2018 - 10:10
    Афиша 23-29 апрель Г.Камал исемендәге Татар дәүләт академия театры 
    134
    0
    0
  • 22 апрель 2018 - 09:33
    «Сандугач»лар канатларын ныгыта Шушы көннәрдә «Рухият» рухи яңарыш фондының «Сандугач сайрар илем» балалар иҗаты фестивале Казанда зур гала-концерт белән төгәлләнде. Бу көнне Габдулла Тукай исемендәге Татар дәүләт филармониясе сәхнәсендә бию һәм җыр коллективлары составында 250гә якын «сандугач» чыгыш ясады. 
    103
    0
    0
  • 21 апрель 2018 - 18:55
    «TMTV» музыкаль премиясе тапшыру тантанасыннан сәхнә арты ФОТОРЕПОРТАЖЫ Бу минутларда “Пирамида” концертлар залында “TMTV” татар музыкаль телеканалы премиясен тапшыру тантанасы бара.
    937
    0
    2
  • 21 апрель 2018 - 13:17
    Тәрәзәләр Без урамнан икәү үтеп барабыз. Мин, аның шәенө генә барырга тырышып, акрынрак атлыйм. Гаҗәп, ул да, як-ягына каранып, һаман адымнарын акрынайта. Нидер әйтергә теләгәндәй, проспектның аргы башына йотылып карый. Аннары бөтенләй туктый да, нигәдер оялып кына:
    336
    2
    0
  • 21 апрель 2018 - 12:44
    Кышкы киемнәрне саклау буенча КИҢӘШЛӘР Туныгызны балконда сакламагыз, йоны кибеп, сына башларга мөмкин.
    213
    0
    1
  • 21 апрель 2018 - 12:19
    Вакыт җитә. Ятып үлә кеше. Ул яшәргә тиеш чагында... Казан милли мәдәният үзәге һәрвакыт шаулап-гөрләп тора. Бу бинада урнашкан Казанның 1000 еллык һәм Милли мәдәният музейларына Россиянең төрле шәһәрләреннән төркем-төркем туристлар килеп, татар халкының мәдәният тарихы, гасырлар буе нинди сынаулар аша узулары хакында экскурсияләр һәм лекцияләр тыңлыйлар.
    256
    0
    0
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
Соңгы комментарийлар
Интервью
  • 14 март 2018 - 14:51
    «Хәләл фермер» Ленар ЛАТЫЙПОВ: «Хатын сайлау берни түгел, сыер сайлап кара син!» Биектау районының Торнаяз авылында «хәләл фермер» белән танышып кайттык. Биш вакыт намазын калдырмаган, шәригать кануннары буенча яшәүче Ленар Латыйповлар гаиләсен күрше-тирәдә шулай атыйлар. Алар ун ел эчендә мөгезле эре терлек санын 250гә җиткергән. Республикада бу – иң күп мал асраучы гаилә фермасы.
    562
    0
    2
  • 14 март 2018 - 16:28
    Лаешта пычрак су «дефицит»ка әйләнәчәк Татарстанның Лаеш районы Чулман белән Идел елгалары кочагына урнашкан. Гаҗәеп матур җирләр.
    469
    0
    0
  • 14 март 2018 - 15:42
    «Гавайи» салаты ясау ЫСУЛЫ Бер порция өчен 40 гр айсберг яки пекин салаты (икесен бергә кушсагыз да була), 50 гр ысланган тавык, 40 гр консервланган ананас, кечкенә генә бер тырнак сарымсак һәм кыздырылган кара ипи кисәкләре кирәк.
    354
    0
    0
Ночной режим