Эльмира Каһирова: «Кайбер җырчылар күпме акча эшләп булачагы турында кызыксына башлады»
Филүс Каһировтан күреп, башка татар артистлары да чит илләргә сәфәр турында кызыксына башлаганнар.
Филүс Каһировтан күреп, башка татар артистлары да чит илләргә сәфәр турында кызыксына башлаганнар.
Җырчы хезмәттәшләренә барысын да аңлатып күрсәтүен белдерде. Бу турыда бүген артистның Америка һәм Канада шәһәрләренә иҗади сәфәренә багышланган матбугат очрашуында билгеле булды.
– Җиңел түгел икәнлеген аңлыйлар. Кемнәрдер шунда ук: «Ярый, бу бик авыр икән», – дип куя, – ди Филүс.
Ә менә Эльмира Каһирова татар эстрадасындагы җырчыларның яртысы чит илдәге милләттәшләр каршында чыгыш ясый алмас иде, дигән фикердә торуын белдерде.
– Анда барып, фонограммага җырлау турында башка да кертеп булмый, чөнки тамашачы кул сузымы арада гына утыра. Җырчы җырларны югары дәрәҗәдә башкарырга тиеш. Һәм бары тик тере тавышка кына. Җиңел дип уйлаучы җырчыларны алдан ук «Бик авыр», – дип кисәтеп куясы килә. Иң элек, безнең кебек, идея белән янарга кирәк. Кайбер җырчылар шундагы оештыручыларга чыгып, моның белән күпме акча эшләп булачагы турында кызыксына башлады. Бу сорау безне иң соңгы урында кызыксындырды. Монда зур акчалар эшләү турында сүз дә бармый, – диде Эльмира.
Филүс әйтүенчә, илләр арасындагы вакыт аермасы да үзен сиздерә.
– Безнең концертларыбыз мондагы вакыт белән иртәнге сәгать 3-5ләр тирәсендә узды. Тәннең башка әгъзалары бу режимга тиз арада җайлашса да, тавыш ярыларын «уятыр» өчен бик нык тырышырга кирәк булды, – диде ул.
Фото: Татар-информ
Комментарийлар
0
0
Билгеле, чит иллэргэ чыгып,Татарстан мэдэниятын,культура сын,музыкасын тэкьдим итэрдэй жырчылар саны ун бармак бармы икэн? Жырчылар бар,жырлаучылар бар. Менэ шул жырлаучылар йозлэгэн. Э аларнын фанера белэн, кулмэк курсэту очен оештырылган коецертлары чит илдэ тугел,узебездэ дэ уцененный товар кебек инде. Эфэрин,Филус. Таныт эле татар жырын доньяга. Гел классик рус операсы гына бар икэн Россиядэ дип яшэмэсеннэр! Хе-хей, татар жыры донья яулый!
0
0