Шәһри Казан

Эльмира Сөләйманованы Рамил Галимҗанов белән нәрсә бәйли?

Эльмираны халык гадилеге, тыйнаклыгы, моңлы тавышы өчен ярата. Җырларын да чын күңеленнән башкара ул. Шунлыктан алар уйландыра, ниндидер хисләргә чумдыра һәм бер генә кешене дә битараф калдырмый.

Соңгы арада Эльмира Рамиль Галимҗанов белән дуэтлар башкара. Халык арасында аларны ирле-хатынлы дуэт дип уйлаучылар да бар икән.

- Əйе, тамашачы Рамиль белән безне "димләп" куйды. Рамиль - иремнең яхшы дусты. Дөресерәге, без Галимҗановлар белән гаилә дуслары. Ирем аңардан бер дә көнләми, гастрольдә йөрүебезгә аның хатыны да уңай карашта.

«Ирең шундый матур җырлый» - дип күп язалар, концерттан соң да килеп әйтәләр. Рамил - бары тик иҗатташ дустым.

Минем ирем - Дмитрий. Җырчы түгел, “Таттелеком” оешмасында эшли. Кайчандыр карьерасын гади эшчедән башлаган, бүген ул – җитәкче. Бер-беребезне аңлап, киңәшләр биреп, балаларыбызга сөенеп, шөкер итеп яшибез.

Реклама

- Гастрольдә булганда балаларыгыз кем белән?
- Артист тормышы – кеше күз алдында, сәхнәдә уза һәм популярлык өчен син нәрсә дә булса корбан итәргә тиешсең. Минем очракта – ул балаларымны тәрбияли алмавым. Юк, карьера беренче урында дип әйтүем түгел. Беркайчан да алай булмаячак. Әмма концертлар, гастрольләр үзенекен эшли. Кайчак айлар буе өйгә кайтмыйсың. Инде кайтуга балалар үсеп бетәләр, йөзләре үзгәрә хәтта... Кызымны 5 айлык чагында дәү әнисе белән калдырдым, ә 20 көнлек улымны кәрзингә салып, үзем белән концертларга алып чыгып киттем.

Балалар белән дәү әниләре, әтиләре шөгыльләнә. Бик тәрбиялеләр. Дүрт яшьлек Артемым инде барлык хәрефләрне, саннарны, төсләрне белә. Үзем шулкадәр тәрбияне бирә алыр идем микән дип тә уйлыйм.
Әмма, мин булмаганда, балаларны бик иркәлиләр. Мин кайтам да, аларны ачулана башлыйм. “Ни өчен өйдә тәртип түгел?”, “Кем өйне туздырды?”, “Тешләрегезне чистарттыгызмы?” - кебек сораулар бирә башласам, алар шундук: “Әни, кайчан гастрольләргә барасың?” – диләр. Чөнки әни өйдә булмаганда бар нәрсәне дә эшләргә “ярый”.

- Димәк, Дмитрий артист тормышын аңлый һәм сезгә иркенләп иҗат итәр өчен мөмкинлек бирә?
- Əйе, иремнән бик уңдым. Берәү дә хатынына ышанып, аны айлар буе гастрольдә йөртергә әзер түгел. Ул мине, эшемне яхшы аңлый. Мин булмаганда, балаларга әти дә, әни дә була. Ә бит ул: “Өйдә утыр, беркайда да бармыйсың!” – дип тә әйтә ала югыйсә. Аның моңа хокукы бар. Шул ышанычы өчен мин аңа былтыр яхшы машина бүләк иттем. Гомер буе “14”ле машинасында йөрдек. Үзем руль артында йөрмим, чөнки куркам.

 

Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 27 май 2018 - 11:42
    Бакча җиләген ничек туендырырга? 1 стакан көлгә 1-2 литр кайнар су салып суытырга. Шуңа 2 гр марганцовка, 2 гр бор кислотасы, 1 аш кашыгы йод өстәп, яфраклар чыланганчы сибәргә.
    45
    0
    1
Ночной режим