Elvin Grey Татарстанның атказанган артисты, өч бала әнисе Гүзәл Уразованы «мошенник» дип гаепли 

Əмма! 2-3 ел элек эстрадага Elvin Grey килде. Һәм бүгенге көнгә өченче каршылыклы хәл тудырды. Бәлки ул проблемаларны пәрдә артында калдырып та хәл итеп буладыр, әмма,күрәсең, аның продюсеры шулай хәл итә: монда рус эстрадасы кагыйдәләре. Проблема хакында бар кеше дә белергә тиеш, моның хакта бар җирдә дә язарга кирәк. 

Хәтерлисездер, элек каршылыклы хәл Салават белән булды. Быел яз - Илдар Хәкимов белән. Ə кичә ул Гүзәл Уразованы «мошенник» дип гаепләгән. Татарстанның атказанган артистын, 15 ел буе сәхнәнең якты йолдызы булган, өч бала әнисе Гүзәлгә: «Позор мошенникам!» - дип язган. Янәсе, «Красивая, хороший» җырын Гүзәл Уразова белән Эльвира Сафина (текст авторы) үзенеке итеп, РАОдан ниндидер түләүләр алып ята икән. Əмма ул авторлык хокуклары белән бәйле проблемаларны без түгел, артистлар үзләре дә аңлап бетерми. Ни өчен монда тамашачыларны да кыстырырга? Elvin Greyның әлеге посты астына үзенең язылучылары: «Ни өчен проблемаларыңнан пиар ясыйсың?», «Бу бер дә егетләрчә түгел» һ.б. дип язып калдырган. 

Elvin Grey карар чыгарып ятканда, Гүзәл Уразова Сарапулда концерт куя иде. Бу хәлне Гүзәл концерттан соң шундук ишетә һәм тамашачыларына: «Җитте, сөйләми булдыра алмыйм», - дип, видео яздыра. 

Əлеге хәлгә ачыклык кертер өчен Көн дәвамында «Красивая, хороший» җырының дүрт авторы - Гүзәл Уразова, Эльвира Сафина, Elvin Grey, Бабек Мамердзаев белән бәйләнешкә чыгачакбыз.