Гыйнвар җылы — март салкын: гыйнвар аена халык сынамышлары

Сукыр тычкан оясыннан гыйнварда чыкса, май салкын булыр.

Гыйнвар карсыз һәм суык булса, җәй коры һәм эссе була.

Гыйнварда боз сөңгеләре күр икән, яхшы уңыш көт.

Гыйнварда кар күп яуса, бураннар еш булса, җәй яңгырлы була.

Гыйнварда агач ботаклары бозланып катса, чикләвек һәм җиләк-җимеш күп булыр.

Раштуа төнендә күк йөзе аяз булса—кавын уңар, кар яуса — алма.

Гыйнварның икенче яртысы кояшлы торса, уңыш яхшы була.

Гыйнварда коры һәм суык булса, язын кар тиз эреп бетә.

Гыйнвар суык булса, июль коры һәм эссе була.