Шәһри Казан

«Ихатагызга зират балчыгы сипкәннәр, сезгә бозым салырга теләгәннәр»

Башкортстанга баргач, Дүртөйле районының Гөберчек авылында яшәүче газета укучыбыз Рамил Сәрвәров янына кереп чыктык. Ул безне гел кунакка чакырып тора.

Рамил Сәрвәров бүген лаеклы ялда. Хатыны Клара ханым белән яши. Дингә килгән. Аңа кадәр спиртлы эчемлекләр белән мавыгып алган булган.

– Өч ел эчтем, алкоголизм – авыру бит ул, дәваланырга теләсәм дә, ярдәме тимәде. Шуннан соң Ютазы районындагы бер авылда аракы эчүдән дәвалый торган кеше бар дип ишеттек. Бардык, ул миңа өшкерелгән су эчерде. «Ихатагызга зират балчыгы сипкәннәр, сезгә бозым салырга теләгәннәр», – диде. Шөкер, барысы да яхшы хәзер, мин эчмим. Тагын берничә кешене, хәтта 20 ел эчкәннәрне дә шул кеше ярдәмендә айныта алдык, – диде ул.

Реклама

Безгә үзен борчыган проблема хакында да сөйләде. «2012 елда машина белән район үзәгенә барганда, башым әйләнеп китеп, урам рәшәткәсен сыдырып үткәнмен. Мине ЮХИДИ хезмәткәрләре туктатты. Күзем начар күргәч, алар язган беркетмәгә кул куярга теләмәдем. Бәхәс аяныч тәмамланды. Мине исерек дип уйлап кимсеттеләр, инспектор сукты да», – дип сөйли. Хокук саклау органнарына үпкәсе һаман бар. Былтыр кысканга быел кычкырмыйлар, диләрме әле? Бу вакыйгага биш ел узса да, Рамил абый тынычлана алмый, гаделлек эзли. Судка да берничә тапкыр мөрәҗәгать итеп караган. Бездән дә ярдәм сорады. Әле авылларында бер-бер артлы яшь егетләр югала дип тә гаҗәпләндерде.
Бу мәсьәләдә Башкортстанның Дүртөйле районы, Гөберчек авылы участковые Динар Фәхруллин белән сөйләштек.

– 2012 елда мин әле участок полиция хезмәткәре түгел идем. Ләкин аңа кадәр участковый булып торган кеше өстеннән шактый шикаять язды ул абый. Миңа мөрәҗәгать иткәне юк. Гадәттә, шикаятьләрне югарырак җитәкчеләргә юллый. ЮХИДИ хезмәткәрләре белән булган вакыйганы хәтерлим, ләкин инспекторларның аны кыйнаганын белмим. Бу хакта ишеткәнем юк. Егетләр югалу турындагы хәбәр дөреслеккә туры килми. Авылда югалучылар булды анысы, тик ул бик күптән инде. Картлык галәмәтедер, күрәсең, абзыйның һәр сүзенә дә ышанырга киңәш итмәс идем, – диде Динар Фәхруллин.

Дүртөйле районының тикшерү комитетында исә, Сәрвәров белән бәйле эш туктатылды, суд карары Рамил Сәрвәровны үзен гаепле таныды, дип аңлаттылар.

Башкортстан, Дүртөйле

Нравится
Поделиться:
Реклама
Комментарии (1)
  • noname
    2 января 2018 в 15:40
    Дэвалый торган кешене ничек табарга? Нинди авылдан? Ярдэм итсэгез иде.Рэхмэт.
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 13 января 2018 в 10:30
    Кайтарыйк Будулайны! «Җырлап ачылмаган күңел мәңге ачылачак түгел», – дип җырлыйлар. Җырлап караган бар минем, көтү көткәндә, чыбыркыны микрофон урынына тотып. Көне буе нишләмәк кирәк ул көтүдә, төрлечә маймылланып карыйсың инде. Моң дәрьясына чума гына башлаганда, берәр азгыны уҗымга каера, «Аһ, инәң башмагы, борыл!» – дип, аның артыннан йөгерәсең, микрофон-чыбыркыны шартлатып. Ә кайберәүләр борылып килгәч тә җырлаганнар, ахры. Чыбыркыны чын микрофонга алмаштырып, хәзер әнә сәхнәдә балкыйлар.
    191
    0
    0
  • 13 января 2018 в 09:10
    «Шәһри Казан»ның тугры укучысы Кайсы гына гәҗит 27 ел буе бертуктамый алдыручы тугры укучылары белән мактана ала икән?! Ә менә сезнең «Шәһри Казан» гәҗите шундый укучыларының берсе белән һичшиксез мактана, горурлана ала. Ул – Казан шәһәренең Нагорный бистәсендә яшәүче 85 яшьлек Асия апа Ибраһимова.
    141
    0
    1
  • 13 января 2018 в 10:00
    Шагыйрь җиңүе Декабрь ахырында Казахстанның Төркестан шәһәрендә ХII Халыкара төрки шигърият фестивале үткәрелде. Ике елга бер тапкыр уздырыла торган әлеге фестиваль – төрки дөнья әдәби хәятендәге иң эзлекле, дәвамлы һәм нәтиҗәле чараларның берсе. Төркия Язучылар берлеге тарафыннан оештырыла торган фестиваль тәүге тапкыр 1992 елда Төркиянең Бурса шәһәрендә ачыла һәм Конья шәһәрендә төгәлләнә. 
    117
    0
    0