Шәһри Казан

Хач ману өчен Татарстанда 115 бәке булдырылган

Православие динен тотучылар 18 гыйнвардан 19 гыйнварга каршы төндә үзләренең иң зур дини бәйрәмнәренең берсе — Хач мануны билгеләп үтә. Борынгыдан килгән гадәт буенча бәйрәмгә каршы көнне чиркәүләрдә су изгеләндерелә, чуму өчен елга-күл өстенә бәке ясала.

«Хач ману»да бәкегә төшеп су коену языклардан чистарыну булып санала, бик күп чирләрдән дәва дигән ышану да яши. Шулай ук чиркәүдән алып кайткан изге су да сихри көчкә ия.

Реклама

Быел Татарстанның төрле җирлекләрендә бәкеләр 115 урында булдырылган. Сулыклар янында коткаручылар, полиция вәкилләре, табиблар кизү торачак. Шулай ук быелгы чараларда Роспотребнадзорның катгый таләпләрен үтә сорала. Аерым алганда, су коенуга чират торучылар арасында 1,5-2 метр аралык булырга тиеш.

Татарстанда кайда Хач ману оештырыла, кемгә ярый, кемнәргә ярамый һәм башка таләпләр белән биредә танышырга мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: