Комадан чыга алмаган: бәби тапканда үлгән ана фаҗигасеннән соң тикшерү эшләре башланды

Диләрә Фәтхуллинаның фаҗигасе турында без кичә язган идек инде. Яшь ана игезәк кызларын тапканнан соң үлгән. Диләрәнең якыннары аның канында ялкынсыну башланып шуннан үлде, дип сөйләгән иделәр. Табиблар аның гомерен саклау өчен көрәшәләр, тик ни кызганыч, коткарып кына кала алмыйлар.

Диләрәнең 10 яшьлек улы һәм яңа туган ике игезәк кызлары әнисез калды.

Тиешле экспертиза билгеләү буенча мәсьәлә хәл ителә. Хатынның үлеме һәм табиблар тарафыннан кылынган гамәлләрнең бәйле булу-булмавы тикшерелә.

Фото: vk.com