Кыш бабай резиденциясе туган көненә бөтен Кыш бабайлар җыелды

Бөек Устюгтан Кар кызы белән Кыш бабай, Санта-Клаус, Костромадан – Кар кызы, Удмуртиядән – Тол бабай, Вяткадан – Кикимора... Татарстанга җыелган әкият геройларын барысын бергә ул көнне якыннан күрү насыйп булды.

– Көтеп алган көнем, тылсымлы көн. Дусларым белән ел буе элемтәдә торабыз, кунакка йөрешәбез, – диде бу уңайдан Кыш бабай.

Кыш Бабай һәм аның кунаклары шәһәр урамы буйлап та йөрде, Арча районында Яңа Кырлайда бәйрәм чарасында да катнашты.

Сүз уңаеннан, Кыш бабай якын арада күп-күп «кар яудырырга» да ышандырды.

Анна Арахамия фотосы һәм видеосы