Ләйлә Таишева: “Табиб булып, памперс киеп йөрисем килми”

Күптән түгел әнисе Ландыш төшергән видеода Ләйлә кем булырга хыяллануы хакында әйтте. “Минем Камал артисты буласы килә. Анда алмасалар, җырчы булам, җырчыга алмасалар, стюардесса булырмын. Менә шундый планнар белән яшим мин”, - ди Ләйлә.

Әнисе Ләйләдән табиб буласың килмиме дип тә кызыксына.

“Минем памперс киеп йөрисем килми. Коронавирус вакытында. Коронавирус ич хәзер. Алар анда яшиләрдер инде. Төнлә дә чирли алалар бит. Бер памперс белән йөриләрдер әле”, - дип фаразлый Ләйлә.

“Син үсеп җиткәнче бетә бит инде ул”, дип тынычландыра Ләйләне Ландыш.

“Кем белә әле аны!”, - ди Ләйлә дә.