16+

«Өйдә үскән лимон тәмлерәк була»

Даими газета укучыларыбыз, «Шәһри Казан» газетасы чыга башлаган беренче көннәрдән үк редакциядә «кайнаган» Рәшит абый белән Тәскирә апа гаиләсен без еш кына Хәмидуллиннар династиясе дип атыйбыз.

«Өйдә үскән лимон тәмлерәк була»

Даими газета укучыларыбыз, «Шәһри Казан» газетасы чыга башлаган беренче көннәрдән үк редакциядә «кайнаган» Рәшит абый белән Тәскирә апа гаиләсен без еш кына Хәмидуллиннар династиясе дип атыйбыз.

 Хәзерге вакытта редакциябездә эшләмәсәләр дә, уллары алар эзеннән атлый. Динар – баш мөхәррир урынбасары, Фәрит – версткалаучы.

Бөркөнне хезмәттәшебез Динар Хәмидуллин эшкә гадәти булмаган җимеш алып килде. Лимон дисәң, сары түгел – яшькелт, лайм дисәң, тәме – лимонныкы. Баксаң, Хәмидуллиннар өйдә лимон үстерәләр икән. Быел да агачлары 12 лимон биргән.

– Бу лимон агачын 10 ел элек Түбән Новгородтан дусларыбыз алып кайткан иде. «Павловский» сорт дип атала. Иң беренче уңышы белән, утырткач, өч елдан соң сөендерде ул. Өч лимон бирде. Бер җимеше аеруча зур иде. Авырлыгы 500-600 грамм булгандыр. Төсе дә, тәме дә җылы якта үсә торган лимоннардан әллә ни аерылмый, – ди әтисе Рәшит абый. (Сүз уңаеннан, ул редакциядә газета чыга башлаган көннән үк эшли башлаган. Хатыны Тәскирә апа да – үзебезнеке. Хәзер инде икесе дә лаеклы ялда.)

Агач дигәннәре тәрәз төбендә гөл чүлмәгендә утыра икән.
 – Башта үсентене кечкенә савытка утырткан идек. Аннары зуррак гөл чүлмәгенә күчердек. Лимон кузгатканны яратмый, шуңа да гел тәрәзә төбендә тора инде, – ди Тәскирә апа.

Өйдә өч кечкенә онык та бар әле. Алар да лимонны селкетергә ярамаганлыкны яхшы беләләр. Җимешләргә, үсентегә кагылмыйлар. Лимон артык су сипкәнне, үтәли җилле урынны яратмый икән. Махсус туфрак сатып алганнар. Су сипкәндә кайчак махсус тукландыра торган витаминнар да кушып җибәрәләр. «Иң яхшысы – банан кабыгын бер көн суда тотам да шуны лимонга сибәм, бу үсентенең тамырларын ныгыта, лимон өчен файдалы», – ди Тәскирә апа.
«Күңел җылысын биреп, үзең үстергәнгәме икән, өй лимоны тәмлерәк була», – ди Хәмидуллиннар.

Язмага реакция белдерегез

7

0

0

0

0

Реакция язылган инде

Комментарийлар

Мөһим

loading