Шәһри Казан

"Һәр милләт үз телен саклап калырга тиеш. Телсез милләт була алмый"

Милли Шура рәисе, ТР Премьер-министр урынбасары Васыйл Шәйхразиев юлламаны уңай бәяләде.

- Тарихка кире кайтсак, 2018 елда Президент Дәүләт Советына юлламасында Бөтендөнья Татар конгрессына Татар халкының үсеш стратегиясен кабул итәргә дигән бурыч куйды. Ике ел эчендә без аны халык белән бергә язып, быел 29 августта Милләт җыенында бергә кабул иттек. Бу татар теле үсеше буенча. Татарлар һәрвакытта да башка милләтләр белән дус булып яши белде. Бу Татарстанда да, башка төбәкләрдә дә шулай. Шул ук вакытта, Татарстанда яшәүче милләтләрнең алып бара торган дәүләт программасы бар. Аны күптән түгел генә кабул иттек, ул 2024 елдан 2030 елга кадәр барачак. Моңа дәүләт 1 млрд сум акча биреләчәк. Президент безнең һәрвакытта да татар дип кенә түгел, барлык милләтләр өчен дә җан атып йөри. Һәр милләт үз телен саклап калырга тиеш. Телсез милләт була алмый, - дигән фикерен җиткерде Васыйл Шәйхразиев.

Васил Шәйхразиев киләсе ел Туган телләр һәм халык бердәмлеге елы буларак игълан ителүен искәртте һәм быел ТАССРның 100 еллыгын үткәргәндә дә, бу темаларга һәрвакытта да күп кагылыш булганын билгеләп узды.

Реклама

- Без татар өчен генә түгел, бүтән милләтләр өчен дә кайгырып, аларны берләштерү, телләрен саклап калу буенча эш алып барабыз. Һәр 173 милләт безнең Татарстанда бердәм, дус, туганнар кебек кулга-кул тотынып эшлиләр, без аларның һәрберсенә дә бик рәхмәтле, — диде Васыйл әфәнде.

Милли шура рәисе фикеренчә, берләшкән милләт ул һәрвакытта да дус була. Нәтиҗәдә, бу республиканы икътисади, сәяси яктан тагын да алга үстерәчәк. "Туган телләр елы ул — бәйрәм генә түгел, монда төпле эш булачак. Күрше республикалар белән үзебезне тагын да якынайтачакбыз", — диде Милли шура рәисе. 

Лилия ЛОКМАНОВА

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: