Шәһри Казан

Рөстәм Миңнеханов Михаил Мишустин белән Никол Пашинян очрашуында катнаша

29-30 апрельдә Казанда Евразия Хөкүмәтара советы чаралары уза. Татарстан Республикасы Президенты Рөстәм Миңнеханов Россия Федерациясе Хөкүмәте Рәисе Михаил Мишустинның Әрмәнстан Премьер-министры вазифаларын башкаручы Никол Пашинян белән киңәйтелгән очрашуында катнаша.

ТР Президентының матбугат хезмәте җитәкчесе Лилия Галимова «Татар-информ» агентлыгына шул хакта хәбәр итте.

«Минем Татарстанга беренче генә килүем түгел. Республиканың Россиядәге икътисади яктан нык үскән төбәкләрнең берсе икәнлеген барысы да белә», — дигән сүзләр белән башлады Пашинян үзенең сәламләү чыгышын.

Михаил Мишустин Евразия Хөкүмәтара советы чараларында (ул 29-30 апрельдә уза) катнашу өчен Казанга кичә килде. Бүген Никол Пашинян да Татарстан башкаласына шул ук максат белән килде.

Рөстәм Миңнеханов элегрәк Россия Премьер-министрының Таҗикстан, Үзбәкстан һәм Кыргызстан коллегалары — Кохир Рәсүлзода, Абдулла Арипов һәм Улукбек Марипов белән киңәйтелгән очрашуларында катнашкан иде.

Реклама

Евразия икътисади берлеге — ул халыкара икътисади интеграция оешмасы. Аның составына Россия, Әрмәнстан, Беларусь, Казахстан һәм Кыргызстан керә. Молдова, Үзбәкстан һәм Куба күзәтүче дәүләтләр статусына ия.

http://tatar-inform.tatar

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: