Шәһри Казан

Рөстәм Миңнеханов: «Татарлар үз туган телләрен активрак кулланырга тиеш»

Бүген татар телен өйрәтүнең нәтиҗәлерәк методикасы кирәк, ә татарлар үзләре дә туган телләрен активрак файдаланырга тиеш. Татарстан Президенты Рөстәм Миңнеханов Россиядә Татарстан Тулы вәкаләтле вәкиллеге каршындагы медиаклубның чираттагы утырышында шулай дип белдерде.

– Татар телен өйрәнергә теләгән кешеләр өчен уңайлы методика булырга тиеш. Иң мөһиме, безнең аралашу теле булырга тиеш. Татар телен өйрәнү өчен безнең инфраструктура бар. Татарстаннан читтә яшәүчеләр өчен мондый инфраструктура юк. Бездә «Ана теле» программасы бар, әмма ул чикләнгән. Без нәтиҗәлерәк нәрсә уйлап табарга тиеш, – диде Рөстәм Миңнеханов.

Президент үзенең чыгышында Татарстанның узган елгы уңышлары һәм республика алдында торган яңа бурычлар турында сөйләде, дип яза Президентның матбугат хезмәте. Аның сүзләренчә, ел йомгаклары буенча республиканың җыелма төбәк продукты өч процентка арту көтелә, сәнәгать җитештерүе күләме якынча 2 трлн 150 млрд сум булачак.

Реклама

– Төбәкләр арасында бишенче яисә алтынчы урынны алырбыз, дип уйлыйбыз. Татарстан районнарында 30дан алып 40ка кадәр республика программасы гамәлгә ашырыла, бу – торак төзелеше, социаль объектларга капиталь ремонт, шул исәптән гомуми белем мәктәпләренә, юллар хуҗалыгын тәртипкә китерү һәм башкалар. Агросәнәгать комплексында бөртеклеләр һәм шикәр чөгендере буенча Татарстан зур уңышларга иреште. Нефть сәнәгате тармагында да уңышларыбыз бар. 35 млн тоннадан артык нефть чыгарабыз. Республика икътисады үсешенең төп юнәлеше – нефть химиясе, – диде Рөстәм Миңнеханов.
Казан авиация заводын модернизацияләү буенча да зур эшләр башкарыла.

– Дөресен әйткәндә, бу – ерак авиация өчен очкычлар җитештерәчәк яңа завод, – диде ул.
Моннан тыш, Рөстәм Миңнеханов искәрткәнчә, хәзер Татарстан 2018 елгы футбол буенча дөнья чемпионатына әзерлекне тәмамлап килә.
2019 елда һөнәри осталык буенча дөнья чемпионатын кабул итәчәкбез, дип, Рөстәм Миңнеханов медиаклубта катнашучыларны Казанга чакырды.
Исегезгә төшерәбез: Россиядә Татарстан Тулы вәкаләтле вәкиллеге каршындагы медиаклуб 2010 елның декабрендә оештырылган иде. Ул йөзләп журналистны – әйдәп баручы Мәскәү һәм федераль массакүләм мәгълүмат чаралары вәкилләрен берләштерә. Алар барысы да Татарстанда туганнар яисә анда укыганнар һәм эшләгәннәр.

Медиаклубны оештыру бурычы – Татарстан икътисадын үстерүгә ярдәм күрсәтүгә юнәлгән иҗтимагый инициативаларны хуплау, республика проектларын гамәлгә ашыруда ярдәм.

Фото: tatarstan.ru

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
  • noname
    17 января 2018 в 12:51
    Миңә концерт бик оҡшаны ,ҙур рәхмәт барыһынала .
  • noname
    16 января 2018 в 21:03
    Прокомментировал запись: Тол хатыннан ачык ХАТ
    Эйтэлэр бит: булмаса- бирэ алмый, булса- курэ алмый дип.
  • noname
    16 января 2018 в 16:34
    Луиза Янсуарнын ижаты белэн тэуге кабат бик куптэн " Комеш кынгырау" газетасында басылган шигырьлэре аша танышкан идем. Шул вакыт гажэпкэ калган идем. Мэрхум Альберт абый Яхин белэн сойлэшкэндэ ул бер жомлэ белэн " заманыннан алда туган татарны танытучы, беркемне дэ кабатламый торган шагыйрэ булачак ул безнен " , дигэн иде. Хэзер дэ бик яратып укыйм. Яшереп тормыйм, эдэбиятчы булсам да, кайбер нэрсэлэр башка барып та житми. Анлаганчы укырга тырышам. Унышлар сезгэ!
  • noname
    13 января 2018 в 19:21
    Эйе шул,сусыз тилмерэ авыл халкы.хэзер бит су кермэгэн авыллар бик сирэк,хэзерге техника заманында бигрэк тэ....бик эйбэт булыр иде ,житэкчелэр сузлэрендэ торып,халыкны сулы итсэлэр.
  • noname
    13 января 2018 в 16:40
    Спорт ареналарын тутырып торырга омтелэбез!
Интервью
  • 17 января 2018 в 17:28
    Минзәлә районының Куян авылын кондызлар суга батырган (ВИДЕО) Редакциябезгә Минзәлә районының Куян авылын кондызлар суга батырган, дигән хәбәр килеп иреште. Куян авылы Бикбау авыл җирлегенә керә. Шуңа күрә без әлеге хәлләр турында тулырак белер өчен Бикбау авыл җирлеге рәисе Люзия Мәрданшина белән элемтәгә чыктык.
    5
    0
    0