#Язмалар 22 марта 2021, 17:50 Уку өчен 2 минут

Сабантуй көннәре билгеле?

22 марта 2021, 17:50

Уку өчен 2 минут

Быелгы җәйгә Сабантуй көннәре билгеле икән бит инде! Түбән Кама белән Чаллы Сабан туйлары да төрле көннәрдә узачак икән.

Скопировать ссылку

Ватсапта быелгы җәйдә узачак Сабантуйлар графигы турында мәгълүмат йөри башлады. Хәбәргә ышансаң, районнарда һәм Түбән Кама шәһәрендә милли бәйрәмебез 11-13 июнь көннәрендә, тагын бер атнадан - 19 июньдә Чаллыда узачак, диләр. Шул ук көнне Нижневартовск каласында Федераль Сабантуй оештырылачак. Казан Сабан туе 26 июньгә билгеләнгән. ә 3 июльдә Мөслимдә Бөтенроссия авыл Сабан туе үтәчәк икән.

Әлбәттә, һәр хәбәрдә күпмедер хаклык булырга мөмкин, әмма аларга гына ышанып бетү кирәкмидер. Әлегә бу турыда Татарстан Республикасы Президентының рәсми Указы юк. Шунлыктан, бу хәбәрне әлегә фаразлар дип кенә бәяләргә мөмкин.