Шәһри Казан

Сөт бәясе Президент күзәтүе астына алынды

Татарстан Президенты Рөстәм Миңнеханов кушуы буенча, республикада сөт сатып алу бәяләренең ни өчен шул дәрәҗәдә төшүенең нигезле дәлилләре тикшерелә.

“Шәһри Казан” газетасының узган атна санында “Сөт бәясе ник төшә?” дигән язма басылган иде. Әлеге тема чыннан да бик актуаль булуын күрсәтте.  Редакциягә дә бу мәсьәлә буенча шалтыратып, үзләренең зарларын җиткерүчеләр бар. Кызганыч, сөт бәяләре әле һаман да төшүен дәвам итә.

Сөт бәяләре Россиянең 20 төбәгендә төшсә дә, иң күп кимү Татарстанда күзәтелә. Бездә халыктан җыела торган сөт бәясенең килограммы биш сумга кимеде. Шунысын да әйтергә кирәк, әлеге четерекле мәсьәлә гади халыкны, фермерларны, яки гомумән, сөт тармагында эшләүчеләрне генә түгел, ә республика җитәкчеләрен дә борчый.

Узган атнада Россия авыл хуҗалыгының министр урынбасары Джамбулат Хатуов Идел буе федераль округы субъектлары белән видеоконференция режимында киңәшмә үткәргән иде. Анда азык-төлек һәм эшкәртү сәнәгате, җитештерүчеләр һәм эшкәртүчеләрне борчыган мәсьәләләр күтәрелде. Һәм сөйләнгән бөтен сүзләр, фикерләр дә сөт бәяләренә барып ялганды.  
 
Әлеге киңәшмәдә Татарстанның авыл хуҗалыгы һәм азык-төлек министры урынбасары Ришат Хәбипов, Министрлыкның азык-төлек базарын үстерү бүлеге башлыгы Ренат Сөләйманов та катнашты.  

Реклама

Ришат Хәбипов әйтүенчә, Татарстан Президенты Рөстәм Миңнеханов кушуы буенча, республикада сөт сатып алу бәяләренең ни өчен шул дәрәҗәдә төшүенең нигезле дәлилләре тикшерелә.
   
Джамбулат Хатуов та Татарстанның Авыл хуҗалыгы һәм азык-төлек министрлыгына сөт җыючылар һәм сөт эшкәртә торган предприятиеләргә сатып алу бәяләрен арттыру буенча чаралар күрелергә тиешлеген әйтте. Аерым алганда, әлеге күрсәткечләрне Россия буенча уртача бәягә кадәр күтәрергә кирәк, диде. Әлеге вакытта бу күрсәткечләр – килограммына 25 сум һәм аннан да күбрәк.

Кичә журналистлар белән очрашу вакытында бу мәсьәләгә Россия Ветеринария һәм фитосанитария күзәтчелеге федераль хезмәтенең (Россельхознадзор) Татарстан буенча идарәсе җитәкчесе Нурислам Хәбипов та тукталды.   

– Кызганыч, бүген кибет киштәләре порошоктан ясалган сөт, майлар белән шыплап тулган. Халыкта табигый продуктка ихтыяҗ кимеде. Бу сезне генә түгел, безне дә бик борчый, безнең дә уртак борчуыбыз, – диде ул.     

Фото: randfonteinherald.co.za

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    7
    0
    0
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    438
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    312
    2
    2