Татарстан Дәүләт Киңәшчесе Минтимер Шәймиев Боровое Матюшино бистәсендәге сайлау участогында булып, Россия Федерациясе Конституциясенә үзгәрешләр кертү буенча үз фикерен белдерде.
Бу хакта ТР Президенты матбугат хезмәте хәбәр итә.
«Минтимер Шәймиев Татарстан Республикасы Лаеш районының Боровое Матюшино бистәсендәге сайлау участогында тавыш бирде», — диелә хәбәрдә.
Бүген Россиядә Конституциягә үзгәрешләр кертү мәсьәләсе буенча тавыш бирүнең төп этабы уза. Татарстанда 65 территориаль һәм 2,8 мең участок сайлау комиссиясе эшли. Республикада 2,9 млн кеше үз ихтыярын белдерү хокукына ия.
Фото: http://tatarstan.ru
Иң мөһим һәм кызыклы язмаларны Татмедиа Telegram-каналында укыгыз
