16+

«Туксанынчы еллар кабатлануына ирек бирмәскә кирәк»

Җинаятьләр саны кимесә дә, интернет аша алдалау очраклары сизелерлек артып бара. 1990 елгы хәлләр кабатланмасын өчен нинди кисәтү чараларын күрергә? Татарстанның Эчке эшләр министрлыгында узган елга йомгак ясадылар.

Җинаятьләр саны кимесә дә, интернет аша алдалау очраклары сизелерлек артып бара. 1990 елгы хәлләр кабатланмасын өчен нинди кисәтү чараларын күрергә? Татарстанның Эчке эшләр министрлыгында узган елга йомгак ясадылар.

Былтыр республикада барлыгы 50 меңгә якын җинаять очрагы теркәлгән. Бу –  Россия буенча иң аз күрсәткеч.

2019 елда ун ел элек 11 миллион сум акча урлауда шикләнелгән “Райффайзенбанк” кассиры Роза Әгъләмҗанованы тоткарладылар, Яшел Үзәндә тарихи объект булып саналган “Полукамушки” торак комплексына ут төркән кешеләрне таптылар. Хокук саклаучылар ярдәме белән ачыкланган, тарихка кереп калырлык мондый вакыйгалар җитәрлек. Россия генерал-лейтенанты Михаил Литвинов та Татарстан полиция хезмәте эшчәнлегенә уңай бәя бирде.

Шулай да республиканың эчке эшләр министры Артем Хохорин уяулыкны югалтмаска киңәш итә. Чишәсе мәсьәләләр, борчый торган тармаклар җитәрлек. Әйтик, былтыр банк счетларыннан акча урлау һәм интернет аша халыкны алдалау очраклары 2018 ел белән чагыштырганда 77,3 процентка арткан. Бу мәсьәләдә Татарстан Президенты Рөстәм Миңнеханов халыкка аңалту эшләре алып бару нәтиҗәлерәк дигән фикерне җиткерде.

Полиция хезмәткәрләре өчен кайбер районнарда эшләү шартларын яхшырту да быелга куйган бурычларның берсе. Республика буенча участок полициясенең пунктлары – барлыгы 42 объект ремонт таләп итә. Аеруча Әлмәт, Нурлат, Мамадыш районнарындагы биналарда эшләү куркыныч тудыра. Артем Хохорин бу мәсьәләдә Президенттан ярдәм сорады.

 Тагын бер борчый торган тармак – оешкан җинаять төркемнәре белән көрәш. Былтыр төркемнәр катнашындагы 200 җинаять тикшерелгән. “1990 елларны искә алыйк, бандитлар гына түгел, күпме кешене бер гаепсезгә үтерделәр ул чакта. Бүген җинаять төркемнәре белән ныклы көрәш бара. Бу 1990 елларда төрмәдә утырган кешеләрнең хәзер иреккә чыгуы белән дә бәйле.

“Закондагы карак”ларның активлашуы да бар. Үсмерләрнең социаль челтәрләрдә төркемнәр оештырып, законсыз гамәлләр кылуы борчый. 1990 еллардагы хәлләр дә үсмерләрдән башланган иде, югыйсә. Ләкин без күтәрелергә маташкан һәр төркемнең “башын өзәчәкбез”, – диде Артем Хохорин. Рөстәм Миңнеханов та бу мәсьәләне җитди контрольгә алырга кушты. “1990 еллардагы хәлләрнең кабатлануына без ирек бирмәскә тиешбез,”– диде ул чыгышында.

 

 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading