"Яңа татар җыры" конкурсына гаризалар кабул итү тәмамланды. Бәйгене оештыручыларның берсе, Рәшит Ваһапов исемендәге фонд җитәкчесе Рифат Фәттахов хәбәр иткәнчә, конкурска 344 яңа җыр килгән.
Шуларның 201 е - Татарстаннан, 100- Башкортостаннан, 8 - Мәскәүдән, калганнары - башка төбәкләрдән, шул исәптән - Швеция һәм Италиядән. 9 айдан артыграк барган иҗади марафонның беренче этабы тәмам. Нәтиҗәләр ясарга әле иртәрәк.
Р.Фәттахов хәбәр иткәнчә, хәзер экспертлар, жюри әгьзаларының аналитик эше башлана. 14-15 сентябрьдә Казанда финал тыңлаулары узачак. Ә инде 22 ноябрьгә Казанда "Яңа татар җыры" бәйгесенең гала-концерты планлаштырылган.
"Конкурска 344 яңа җыр килгән икән, димәк, татар халкының җыр-моң чишмәсе исән, Аллага шөкер", дип шатлыгы белән уртаклаша Р.Фәттахов.
Иң мөһим һәм кызыклы язмаларны Татмедиа Telegram-каналында укыгыз
