Яман шеш белән көрәшүче Айгөл Фазыйлова язмышы якташларын гына түгел, гомумән, бөтен ил халкын битараф калдырмады.
Әле март ахырында Айгөлгә чираттагы операция булды. Аның нәтиҗәсе турында ул в контактеда да язган.
– Операциядән соң хәлем Аллага шөкер, бар да яхшы! Мине авыртулар һәм химиядән соңгы халәтем борчый иде, бар да үтте, - дигән ул.
Хәзер Айгөл чираттагы химиягә әзерләнә. Бу көннәрдә генә операциядән соң гистология нәтиҗәләрен алган. Нәтиҗәсе бик куанычлы - шеше яман шеш булмаган! 23 апрельдә аның баш миеш һәм бөтен органнарын тикшерәчәкләр.
– Нәтиҗәләрен белүгә хәбәр итәчәкмен. Тагын бер кат үтенеп сорыйм, минем тикшеренү нәтиҗәләрем әйбәт булсын дип, дога кылып торсагызчы! - дигән ул в контактедагы битендә.
Иң мөһим һәм кызыклы язмаларны Татмедиа Telegram-каналында укыгыз
